Uwe Brauns

Vun Wikipedia

Uwe Brauns (* 11. Juni 1938 in Bremen; † 19. Oktober 2005 in Hambargen) weer en düütschen Politiker von de SPD.

Brauns is 1938 in Bremen boren un weer op de Volksschool in Hambargen. Na de School hett he en Lehr as Mürger maakt. He weer op de Avendschool, hett de Mittlere Reife maakt un hett denn Boinschenör an de Hoochschool för Technik in Bremen studeert. In Bremen hett he bet 1986 in dat Amt för Straten- un Brüggenbo arbeidt.

Von 1968 af an is Brauns Raadsherr in de Gemeen Hambargen ween. 1973 is he dor ok Börgermeester worrn un dat bet to sien Dood 2005 bleven. 1974 is he Raadsherr un Börgermeester in de Samtgemeen Hambargen worrn. In de Samtgemeen is 2001 Bernd Lütjen sien Nafolger worrn, nadem de Tweegleisigkeit in Neddersassen en Enn harr. Von 1973 af an weer he Kreisdagsafornten in’n Landkreis Oosterholt.

In de 11. bet 14. Wahlperiood (21. Juni 1986 bet 2003) is he in’n Wahlkreis Oosterholt-Scharmbeek as Maat von’n Landdag von Neddersassen wählt worrn. Bi de Wahl 2003 is he ok noch wedder antreden, kunn sik aver in’n Wahlkreis Oosterholt gegen Brunhilde Rühl von de CDU nich dörsetten.

An’n 10. Juni 1998 hett Brauns dat Verdeenstkrüüz an’t Band von’n Neddersassischen Verdeenstorden kregen.