Umaru Yar’Adua

Vun Wikipedia
Umaru Yar’Adua

Umaru Musa Yar’Adua (* 16. August 1951 in Katsina; † 5. Mai 2010 in Abuja) weer en nigeriaansch Politiker un van 2007 bit 2010 Staatspräsident vun Nigeria.

Leven[ännern | Bornkood ännern]

Umaru Yar’Adua entstamm en bekannt Fulbe-Familie ut Noordnigeria. Sien Vader, Musa Yar’Adua, weer nah de Tiet nah de Unafhängigkeit Minister för de damalige Hööftstadt Lagos un harr ok dat Ehrenamt vun den Schatzmeester (Mutawallen) vun Katsina. Umaru Yar’Aduas Bruder, General Shehu Musa Yar’Adua, de ünner de Militärdiktatur Sani Abachas veroordeelt wurr un 1997 in’ Gefängnis storven is, weer van 1976 bit 1979 Viezpräsident un vör sien Inhafteerung en vun de rieksten Nigerianer.

Yar’Adua studeer af 1972 Chemie an de Ahmadu Bello University in Zaria un weer dornah twee Johr lang Schoolmeester an en Hoochschool in Lagos. Van 1976 bit 1983 lehr he as Dozent in Zaria, later an en Polytechnikum in sien Geburtsstadt Katsina. A 1983 truck sück Yar’Adua ut dat akademisch Ümfeld torüch un övernehm de Leitung vun privaat Ünnernehmens un nehm verscheeden Verwaltungsratsmandate an.

Politisch Werdegang[ännern | Bornkood ännern]

Fröh politisch Aktivitäten[ännern | Bornkood ännern]

In de 1970er Johren weer Umaru Yar’Adua Liddmaat vun de progressiv People’s Redemption Party, de ok de Schriever Chinua Achebe anhörrn dee. 1991 wull he Gouverneur vun den Bundsstaat Katsina weern, hett aber tegen Sa’idu Barda verloren. Nah de Dood vun de Militärdiktater Sani Abacha 1998 kunn he 1999 de politisch Gruppeeren „K34“, grünnen, de sück later de Regeerenspartei People’s Democratic Party (PDP) anslooten hett

Gouverneur[ännern | Bornkood ännern]

1999 kandideer he nochmals för dat Gouverneursamt, ditmal as Kandidat vun de PDP, un wunn de Wahl. In dat Johr 2003 wurr he weer wählt.

Medien hebbt hüm as vörsichtigen, umsichtigen un nich korrupten Gouverneur beschreven. He hett 1999 und 2003 bi de Wahlen sien Vermögensverhältnisse apen leggt un man hett ok nich wegen Korruption tegen hüm Ünnersöök anstellt.[1]

Präsidentschapswahlen[ännern | Bornkood ännern]

In’ Dezember 2006 wurr Umaru Yar’Adua ut 20 Kandidaten to’n Präsidentschapskandidaten vun de DDP gewählt. Obschons he eegentlich nich de Kandidate mit de gröttsten Chancen weer, kreeg he in sien Partei mit Ünnerstütten dör den scheedenden Präsidenten Olusegun Obasanjo 3.024 Stimmen vun Parteidelegierten, während sien gröttste Gegner Rochas Okorocha blots 372 Stimmen kreeg.[2] As Vizekandidat wähl he Goodluck Jonathan, den Gouverneur vun Bayelsa.

Umaru Yar’Adua wurr de ok mit 70 % vun all Stimmen Winner vun de Präsidentschapswahl.

2009 is he aber an en Hartbüdelentzündung erkrankt un hett sück in Saudi-Arabien behanneln laaten. An’ Am 24. Februar 2010 kehr Umaru Yar’Adua vun de Behandlung nah Nigeria torüch, is aber an’ 5. Mai 2010 in sien Präsidentenvilla storven.[3] Goodluck Jonathan wurr denn sien Nahfolger.

Familiäres[ännern | Bornkood ännern]

Umaru Yar’Adua weer verheiraadt un harr veer Kinner.[4]

Enkeld Nahwiesen[ännern | Bornkood ännern]

  1. BBC News: The candidates to be Nigeria’s leader, 19. April 2007
  2. KAS: „Vorentscheidung in Nigeria: Regierungs- und Oppositionspartei haben ihre Präsidentschaftskandidaten gewählt“, 20. Dezember 2006
  3. The Washington Post: President Umaru Yar'Adua dies after long illness, 5. Mai 2010.
  4. Der Bund: Bescheidener Alt-Marxist, 24. April 2007

Weblinks[ännern | Bornkood ännern]

Umaru Yar’Adua. Mehr Biller, Videos oder Audiodateien to’t Thema gifft dat bi Wikimedia Commons.