Tarcisio Burgnich
Tarcisio Burgnich (* 25. April 1939 in Ruda (UD); † 26. Mai 2021 in Forte dei Marmi[1]) weer en italieensch Footballspeler un –trainer.
Sien gröttste Erfolge fier de Afwehrspeler in de 1960er Johren mit Inter Mailand un hett 66 Mal för de italieensch Natschonalmannschap speelt. As Trainer harr he bedüüdend weniger Spood.
Karriere in’ Vereen
[ännern | Bornkood ännern]Burgnich hett sien eerst Speel in de Serie A an’ 2. Juni 1959 för Udinese Calcio maakt, wo he aber den Dörbröök as Stammspeler nicht schafft hett. Nah blots een Saison wessel he to Juventus Turin, wo he aber ok blots Ersatzspeler weer. He truck wieder un hett sück den US Palermo anslooten. Dor hett he denn den Dörbröök to’n Stammspeler schafft.
1962 wurr Burgnich vun Inter Mailand anhüert, wo Trainer Helenio Herrera en vun de best Mannschapen in Europa upstellen dee. Burgnich gull bald as kompromisslos un iesenhart Verteidiger vun Weltklasseformat, wat he nich toletzt Herrera to verdanken harr. In’ Angreep gung Burgnich so goot as gor nich un weer stark in’ Tweekamp, he weer also besünners goot to gebruuken för den Catenaccio, dat Inter spoodriek Rezept vun Inter Mailand. Achter bill he mit Giacinto Facchetti en Afwehrbollwark, in’ Middelfeld geev Speelmaker Luis Suárez dat Tempo un de Richt vör un vörn in’ Angreep stunnen Sandro Mazzola, Mario Corso un Jair da Costa. „Grande Inter“ weer boren un sull in de nächste Johren vun Erfolg to Erfolg spelen. Mit Inter wunn Burgnich 1963, 1965 un 1966 den Meestertitel (Scudetto). Dorto keemen de Gewinn vun den Europapokal vun de Landsmeester 1964 un 1965. Burgnich bleev twalf Johr bi Inter, wunn 1971 noch mal den Meestertitel, bevör he den Vereen 1974 verlaaten hett. Dree Johr lang speel he denn noch för den SSC Neapel, bevör he 1977 mit 38 Johr sien Loopbahn afsloten hett.
Loopbahn in de Natschonalmannschap
[ännern | Bornkood ännern]An’ 10. November 1963 hett Burgnich sien eerst vun 66 Lännerspelen maakt. 1968 wurr he mit Italien Football-Europameester und hett ok bi de Weltmeesterschapen 1966, 1970 un 1974 deelnommen.
Loopbahn as Trainer
[ännern | Bornkood ännern]Nah sien aktiv Loopbahn hett he noch as Trainer för verscheeden Vereens arbeit, harr aber nich völ Spood dorbi.
