Sven Kramer

Vun Wikipedia
Sven Kramer (2007)

Sven Kramer (* 23. April 1986 in Heerenveen) is en nedderlannsch Iesflinklöper. He is Olympiasieger, twalf mal Welt- un veer mal Europameester un vör allen up Langstrecken (5000 m, 10.000 m) spezialiseert. Bi en Grött vun 1,85 m bedrocht sien Wettkampgewicht 78 kg.[1]

Biografie[ännern | Bornkood ännern]

Sven Kramer wurr 1986 in Heerenveen boren un is nich wiet vun dat nedderlannsch Iesflinkloopzentrum in Oudeschoot upwussen, wo he hüüd noch leevt. Sien Vader, Yep Kramer is ok en ehmalger Iesflinklöper, de 1980 und 1984 an Olympisch Winterspelen deelnommen hett, un so wurr ok Svenn Iesflinklöper, ahn aber in de Jöögd groot uptofallen.

In’ Dezember 2004 wunn Sven Kramer de nedderlannsch Meesterschapen in de Groot Veerkamp, ok Allround-Mehrkämpfe nömmt, bi de de Löper nah Rennen över 500, 1500, 5000 und 10000 utlopen wurrd. Dordör kunn he denn ok an de europäisch Mehrkampmeesterschapen deelnemmen, wo he achter Jochem Uytdehaage de Sülvermedaille winnen kunn. Bi den Allround-Weltmeesterschapen 2005 kunn sück Kramer de Bronze-Medaille achter de US-Amerikaner Shani Davis un Chad Hedrick sekern, bi de Mehrkamp-Weltmeesterschapen vun de Jöögd wunn he aber den Titel. In de Weltcup-Saison 2004/05 keem he up sien Langstreck up Platz 12.

An’ Enn’ vun de Saison 2004/2005 ünnerschreev Sven Kramer bi dat nedderlannsch TVM-Team, in de he tosommen mit u. a. Gerard van Velde, Carl Verheijen un Jochem Uytdehaage vun Gerard Kemkers traineert wurrd. In de folgend Saison keem denn ok sien grooten Dörbröök. An 19. November 2005 hett he den Weltrekord vun de Amerikaner Chad Hedrick över 5000 m ünnerboden un bi de Olympisch Winterspelen 2006 in Turin wunn he de Sülvermedaille över 5000 m (Chad Hedrick wunn dat Rennen). In de Team-Verfolgung wunn he tosommen mit Rintje Ritsma, Carl Verheijen, Erben Wennemars un Mark Tuitert de Bronzemedaille achter de Teams ut Italien un de USA.

In de Saison 2006/2007 wurr he nedderlannsch Meester över 1500 m, 5000 m un 10000 m un wunn laterhenn ok noch den Allround-Titel vör Carl Verheijen un Erben Wennemars. Bi de Allround-Europameesterschapen wunn he ok den Titel vör den Italiener Enrico Fabris, de över de kört Distanzen flinker weer. Sien Favoritenstatus ünnerstreek Kramer en lütt Sett later bi de Eenzelstrecken-WM in Salt Lake City, wo he de Titel över 5000 m un 10000 m (mit Weltrekord) wunn un ok mit sien Teamkollegen Verheijen un Wennemars de Team-Verfolgung för sück entscheeden kunn.

Nah de Saison is he krank wurrn (Pfeiffersches Drüsenfever), kunn aber in de folgend Johren liekers good Leistungen bringen. 2007 und 2008 hett he alleen fiev Weltrekorde upstellt und wurr ok Allround-Weltmeester. Bi de Eenzelstrecken-Weltmeesterschapen in Salt Lake City wunn he de Goldmedaillen över 5000 m, 10.000 m un in de Team-Verfolgung. En Johr later kunn he all sien Titel verteidigen nun wunn över de 1.500 m-Streck ok noch de Sülvermedaille. 2007 hett he dorto noch den Gesamt-Weltcup över de Langstrecken wunnen.

Bi der Mehrkamp-EM in Heerenveen Anfang Januar 2009 wurr Kramer nah Siegen över 1500 m, 5000 m und 10.000 m Europameester. In dat sülvig Johr belegg he nah 2007 nochmal in de Langstrecken-Welcup över 5000 un 10.000 m den eersten Platz un wunn Midden März bi de Eenzelstrecken-WM in Richmond (Kanada) de Titel över 5000 m, 10.000 m un in de Team-Verfolgung.

In de Olympisch Winter 2009/2010 wunn Kramer den Weltcup in Calgary över de 5000-Meter-Strecke. Bi de Mehrkamp-Europameesterschapen Anfang Januar 2010 wunn he nah Eenzelsiegen över 5000 m un 10.000 m de Goldmedaille vör Enrico Fabris. Bi de Olympisch Winterspelen 2010 in Vancouver wunn he över de 5000-Meter-Distanz in de olympisch Rekordtiet vun 6:14,60 min de Goldmedaille.

Sven Kramer is to Tite mit de spoodriek nedderlannsch Feldhockeyspelerin Naomi van As liiert.

Persönlich Besttieden[ännern | Bornkood ännern]

Streck Tiet Datum Oort
500 m 36,17 sek 27. Januar 2009 Heerenveen
1000 m 1:10,60 min 19. Dezember 2009 Heerenveen (Training)
1500 m 1:43,54 min 11. Dezember 2009 Salt Lake City
3000 m 3:40,51 min 6. Februar 2010 Richmond
5000 m 6:03,32 min* 17. November 2007 Calgary
10000 m 12:41,69 min* 10. März 2007 Salt Lake City
Team-Verfolgung 3:37,80 min* 11. März 2007 Salt Lake City
Mehrkamp 147,567 8. Februar 2009 Hamar

* = Weltrekord

Weblenken[ännern | Bornkood ännern]

Sven Kramer. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. vgl. Sven Kramer. In: Internationales Sportarchiv 33/2008 van 12. August 2008 (mz), ergänzt üm Nahrichten dör MA-Journal bit KW 02/2010 (upropen an’ 13. Februar 2010 via Munzinger Online)