Sabinianus (Paapst)

Sabinianus, Phantasiedorgestellen in de Basilika Sankt Paul vor den Mauern.

Sabinianus (* in Blera; † 22. Februar 606, begraven in St. Peter, Rom) weer Paapst van 604 bit 606.

Sabinianus stamm ut Blera (Bieda) dicht bi Viterbo, de Hööftstadt vun dat ehmalge etruskisch Riek. He weer de Söhn vun en Mann mit Naam Bonus ; wanneer he boren is, weet man aber nich.

593 wurr he vun Paapst Gregor den Grooten as Apokrisiar (Apostoolsch Nuntius) nah Konstantinopel sandt, 595 aber weer torüchropen, wiel he den röömschen Standpunkt to wenig entscheeden verfolgt un de Titelannahm vun en „Ökumeenschen Patriarchen“ dör den dortigen Patriarchen nich verhinnert harr.

Nah en Mission in Gallien un nahdem he all karklich Ämter vun de Hierarchie dörloopen harr, wurr he nah den Dood vun Paapst Gregor I. vermootlich in' März 604 to'n Paapst benömmt, muss aber up de Tostimmen vun Kaiser Phokas wachten, so dat he eerst an' 13. September 604 offiziell to'n Paapst nömmt wurrn kunn. Dat wurr dormals kritiseert, dat he sien unchristlichen Naam as Paapst bibehollen dee.

Sien Vermiddelnstätigkeit is womöglich de Freedenssluss tüschen Smaragdus, den Exarchen vun Ravenna, un den Langobardenkönig Agilulf to verdanken. Vun de mönksfrüendlich Politik vun sien Vörgänger is he weer afrückt.

As en Hungersnot utbreeken dee, hett he de Frücht ut de päästlich Kornkamers verköfft, wiels sien Vörgänger dat kostenlos verdeelt harrn, wat hüm in de Bevölkerung verhasst maken dee. Wu he an' 22. Februar 606 to Dood kommen is, weet man nich. Sien Liek muss aber vun den Lateran in de Kark St. Peter brocht wurrn, um dat sück dat Volk dor nich dran vergriepen dee.

Sabinianus wurrd ok de Inführen vun dat Lüüden vun de Karkenglocken to dat Stundengebet un to de Eucharistiefier toschreven.

Literatur

• Erich Kettenhofen: Sabinianus. In: Biographisch-Bibliographisches Kirchenlexikon (BBKL). Band 8, Bautz, Herzberg 1994, ISBN 3-88309-053-0, Sp. 1148–1150.
• H. Mann: Pope Sabinianus. In: Catholic Encyclopedia, Robert Appleton Company, New York 1913 (engelsch) (Volume XIII)

Weblenken

Sabinianus. Mehr Biller, Videos oder Audiodateien to’t Thema gifft dat bi Wikimedia Commons.

• DNB-Katalog

Vörgänger	Amt	Nafolger
Gregor I.	Paapst 604 - 606	Bonifatius III.