Raymond Voß

Vun Wikipedia

Raymond Voß (* 11. Juli 1952) is en düütschen Musiker un Komponist.

Leven un Wark[ännern | Bornkood ännern]

Voß hett 1975 tosamen mit Klaus Büchner de Grupp Basia grünnt un een Johr later Torfrock. Wietere Musikgruppen, an de he bedeeligt weer, weern Eltern haften für ihre Kinder, Hammerburg un Hoellenhunde. Bekannt is Voß för sien ruge Stimm un de lange Kinnboort, de an sien Vörbiller vun ZZ Top denken lett. As Komponist is he för de Musik un de Texten vun de Torfrockleder verantwoortlich un hett ok eenige vun de Leder för dat Duo Klaus und Klaus bistüürt. He speelt blangen de Gitarr ok E-Bass, Banjo un Keyboard.

Blangen den Klaus Büchner singt ok Voß af un to de Leder vun Torfrock. To höörn is he ünner annern bi de Leder „Volle Granate Renate“, „Beinhart“, „Trunkenbold“ oder „Hörner Heben“. Bito hett he dat Leed „Orient Express“ tosamen mit den Jay Stapley opnahmnen, de Gitarrist bi Westernhagen is. In de Werner-Filmen weer he as Synchroonsnacker bedeeligt un hett mit sien ruge Stimm verschedene Figuren snackt. Butendem hett he en poor Solostücken ünner sien egen Naam produzeert as ok för sien Grupp „Eltern Haften Für Ihre Kinder“.

Raymond Voß leevt in Stubben in Sleswig-Holsteen[1].

Borns[ännern | Bornkood ännern]

  1. Bericht LN-Online

Weblenk[ännern | Bornkood ännern]