Pries (Kiel)

Wapen/Flagg

Koort

Basisdaten

Inheemsch Naam:

Pries (hd. un nd.), Pris (dä.)

Bundsland: Sleswig-Holsteen

Gemeen: Kiel

Flach:

4,93 km²

Inwahners:

7.381 (31. Dezember 2014)

Inwahnerdicht:

1.497,2 Inwahners pro km²

Postleettall:

24159

Vörwahl:

+49 431

Geograafsche Laag:

Koordinaten:54° 24′ N, 10° 9′ O54° 24′ N, 10° 9′ O

Pries (dä. Pris) is en Stadtdeel in’n Noorden vun Kiel. Faken nöömt en Pries mit Friesort tohoop, wiel de twee Stadtdeel teemlich tosamenwussen sünd. Vundaag is dat swoor to seggen, neem de Grenz twischen de beden löppt. Meist snackt en ok blots vun Friesort, wenn ’t ok üm Pries, besünners üm den Deel südlich vun’e Föördstraat geiht, liekers Pries grötter is as Friesort. De School Lernwerft heet fröher Realschule Pries, ofschoonst se in’n Stadtdeel Friesort liggt. Dorüm finnst du all Informataschonen to dat ne’e Pries in den Artikel Friesort.

Historie

Dat Dörp Pries höör to dat Goot Seekamp, dat de Familie Wisch grünn. Al 1631 wöör Land vun Pries nehmen, üm de Festung Friesort to grünnen. Pries weer en Deel vun dat Hartogdom Sleswig, wat to Däänmark höör. Dat Land südlich vun de Holtenau weer holsteensch un weer Deel vun dat Hillig Röömsch Riek.

1741 wahnen 131 Lüüd in Pries op en Flach vun 325 ha. 1791 geev dat keen Liefegenschop mehr in Seekamp, un so wöörn ok de Inwahnerschen un Inwahners vun de Dörper Holtenau un Schilksee free.

Vundaag in de Grenz twischen Friesort un Pries de Klünderwiesenau in’n Westen. De Waldemar-Bonsel-Straat, Hecktstraat, Palisadenweg un Falckensteiner Strand begrenzt Pries na Süden hen. De Brune Barg höört to Pries. De Koppelbarg is groff de Grenz. De Siedeln Redderkoppel in’n Oosten höört to Schilksee. De Brandsbrook in’n Noorden is ok Deel vun Schilksee, Dreilinden höört avers noch to Pries. De westlich Grenz to Olehult-Klaasdörp is de Bundsstraat 503. De histoorsch Grenz in’n Süden to dat Dörp Holtenau is de Stekendamsau. Vundaag is de Grenz de Bahndamm jüst ’n poor Meter blangenbi^[1].

Enkelt Nawiesen

↑ Landshööftstadt Kiel (2017) interaktive Koort (dt.)

[1] Landshööftstadt Kiel (2017) interaktive Koort (dt.)

[1]