Peter Raap
Peter Raap (* 12. April 1948 in Bremerhoben) is en düütschen Heimatforscher. Ok hett he sien Familie utklamüüstert un kann enkelde Telgen bit in dat Johr 1320 trüch gahn.
Sein Leven
[ännern | Bornkood ännern]Raap hett de Paula-Modersohn-School in Wulsdörp besöcht un dor na het he dat Gewark von de Autoschlosser lehrt. As he dat to Enn harr, fung he 1967 bi dat MWB Motorenwark an. 1968 müss he na de Suldaten. Bi de tweete Kompanie von’t middelste Instandsetzungsbataillon 510 in Demost hett he sien Grundwehrdeenst afleist. De Industrie- un Hannelskamer Bremerhoben hett em den Titel Industriemeester 1983 geven. Bi MWB weer he 1979 Arbeitsvorbereiter un av 1987 weer he de Böberst von de Avteilung Technische Dokumentation. Denn weer he Annahmemeester bie de Firma Le Car 1996 un S&T Autogalerie 2009. Af 2006 weer he Arbeitsvorbereiter bi MWB Fahrzeugtechnik in Langen.
He hett sick all as lütt Göör för de plattdüütsche Spraak interessert un de plattdüütschen Hörspele in’t Radio höört. 1975 hett he denn bi de Nedderdütsche Bühn „Waterkant“ anfungen. Dat is een Plattdüütsches Volkstheater. In de eerste Tiet weer he achter de Bühn in’e gange, doch dat duerte nich lang un he stunn op de Bühn bit in’t Jahr 1990. Man he hett ok Gefallen funnen an de Heimatkunde un de Söök na sien Wuddeln. Nu is he tohörig bi de Männer vom Morgenstern und bi Die Maus. För dat Nedderdütsche Heimatblatt, een Maandbilaag in de Nordsee-Zeitung schrifft he över ole Saken de in Bremerhoben passeert sind. He hett ok över den See in Wolljes, över de Kurenwimpel, dat Ship „America“ un de „United States“; den Dolmen in Langen, de Wannervagels, de Utwannerung und över de Orten Nückel un Stotel schreben.
He weer ok lange Tied 2. Vörsitter in Kleengarnvereen Bremerhoben-Leh (2009–2015).
Weblinks
[ännern | Bornkood ännern]
Billder, de Peter Raap maakt hett. Mehr Biller, Videos oder Audiodateien to’t Thema gifft dat bi Wikimedia Commons.