Peter Altmaier

Vun Wikipedia
Peter Altmaier 2013

Peter Altmaier (* 18. Juni 1958 in Ensdorf, Saarland) is en düütsch Politiker (CDU).

An’ 22. Mai 2012 wurr de bitherig Parlamentaarsche Gewarfsföhrer vun de CDU/CSU-Bundsdagsfrakschoon to’n Bundsminister för Ümwelt, Natuurschuul un Reaktorsekerheit benömmt un wurr dormit Nahfolger vun Norbert Röttgen.

Leven[ännern | Bornkood ännern]

Utbillen un Beroop[ännern | Bornkood ännern]

Altmaier is in en konservativen Huusholt upwussen, sien Vader weer vun Beroop Bargmann, sien Moder Krankensüster.[1]

Nah dat Abitur 1978 hett Altmaier toeerst sien Wehrdeenst afleist un af 1980 en Studium vun de Rechtswetenschap an de Universität vun dat Saarland anfangen, dat he 1985 mit dat eerste un 1988 mit dat tweete juristisch Staatsexamen afslooten hett. Dornah weer he as wetenschaplich Mitarbeiter an dat Europa-Institut an de Universität vun dat Saarland tätig. 1990 wessel he as Beamter na de Europääsch Kommission in de Generaldirekschoon för Beschäftigung, Arbeitsbeziehungen un soziale Angelegenheiten, wo he van 1993 bit 1994 Generalsekretär vun de Verwaltenskommission för de soziale Sekerheit vun de Wannerarbeitnehmer weer. Siet 1994 is Altmaier beoorlaubt.

Parteiloopbahn[ännern | Bornkood ännern]

Altmaier wurr 1974 Liddmaat vun de Junge Union un 1976 vun de CDU. Siet 1991 hörrt he den Landsvörstand vun de CDU Saar an un is to glieker Tiet Vörsitter vun des Landsfachutschuss „Europa“. Van 2000 bit 2008 weer Altmaier tosätzlich Vörsitter vun den CDU-Kreisverband Saarlouis.

Peter Altmaier (2009)

Afordnetentätigkeit[ännern | Bornkood ännern]

Siet 1994 is Altmaier Liddmaat vun den Düütschen Bundsdag. Hier weer he van 1998 bit 2000 Vörsitter vun den Ünnerutschuss vun den Rechtsutschuss för Europarecht. Altmaier hörr to den swaart-grönen Gesprächskrink vun jung Afordneten, de so nömmt Pizza-Connection.[2] Altmaier hörr van 2002 bit 2005 den Vörstand vun de CDU/CSU-Bundsdagsfraktschoon an un weer van 2004 bit 2005 ok deren Justiziar. Siet 2009 hörrt he as Eerst Parlamentarisch Geschäftsführer den geschäftsführenden Fraktschoonsvörstand[3] an.

Altmaier is bit 2009 över de Landslist Saarland in den Bundsdag intrucken; siet de Bundsdagswahl 2009 is he direkt wählt Afordneter vun sein Heimatwahlkreis.

An' 27. Oktober 2009 wurr Altmaier Eerst Parlamentarisch Geschäftsführer vun de CDU/CSU-Bundsdagsfraktschoon. In disse Funktschoon weer he Nahfolger vun Norbert Röttgen, de dormals Bundsumweltminister wurr. Altmaier wurrr mit 98,4 Perzent vun de Fraktschoon wählt.[4]

2012 wurr he as Liddmaat vun de parlamentarischen Mehrheit för en Johr Vörsitter vun dat Parlamentarisch Kontrollgremium (PKGr).

Apenlich Ämter[ännern | Bornkood ännern]

An’ 23. November 2005 wurr Altmaier as Parlamentaarsch Staatssekretär bi dat Binnenministerium in de vun Bundskanzlerin Angela Merkel führt Bundsregeeren beropen. He harr dat Amt bit Oktober 2009.

An’ 16. Mai 2012 wurr Altmaier vun Bundskanzlerin Angela Merkel as Nahfolger vun Norbert Röttgen to'n Bundsümweltminister vörslahn. Sien Ernennung to’n Minister dör Bundspräsident Joachim Gauck weer an’ 22. Mai 2012.

An'n 17. Dezember 2013 wurr he Bundsminister för besünnere Upgaven un Baas vun dat Bundskanzleramt.[5]

An'n 7. Oktober 2015 hett hüm de Bundsregeeren to'n zentralen Ansnackpartner för de "politische Gesamtkoordinierung aller Aspekte der aktuellen Flüchtlingslage".[6]

An'n 24. Oktober 2017 övernehm Altmaier övergangswies – bit to de Billen vun en nee Bundsregeeren – tosätzlich dat Amt vun den Bundsfinanzmister, nahdem de bitherig Amtsinhebber Wolfgang Schäuble to'n Bundsdagspräsidenten wählt wurrn weer.

An'n 14. März 2018 wurr Peter Altmaier vun Bundspräsident Frank-Walter Steinmeier to'n Bundsminister för Wertschap un Energie in dat Kabinett Merkel IV nömmt.[7]

Altmaier gellt as wichtigst Vertroote vun Angela Merkel.

Europapolitiker[ännern | Bornkood ännern]

Altmaier is en vun de wenigen EU-Beamten in de düütsch Politik. He weer Liddmaat in’ Europaausschuss vun den düütschen Bundsdag un stellvertreden Liddmaat in den Europääschen Verfassungskonvent. In dat Bundsbinnenministerium harr he as Parlamentarisch Staatssekretär ok Vertredensbefugnis in europapolitisch Fragen.

Van 2004 bit 2008 weer Altmaier Viezpräsident vun dat Nettwark Europäische Bewegen in Düütschland. Van Dezember 2006 bit November 2011 weer Altmaier Präsident vun de överparteilich Organisatschoon Europa-Union Düütschland.[8]

Anner Engagement[ännern | Bornkood ännern]

Altmaier is Liddmaat vun de Europa-Union Parlamentariergrupp Düütsch Bundsdag.

An’ 17. November 2010 wurr Altmaier to’n Ehrensenater vun de Fachhoochschool vun den Bund för apentlich Verwalten beropen.[9]

Privates[ännern | Bornkood ännern]

Altmaier is kathoolsch un ledig.[10] He beherrscht de Frömdspraken Engelsch, Franzöössch un Nedderlannsch.[11]

Politische Positionen[ännern | Bornkood ännern]

In de 1990er Johren hett sück Altmaier för en Moderniseeren vun dat Staatsbörgerschapsrecht insett un hull Kuntakt to Migranten, Flüchtlingsverbännen un Karken. He hett en Apenmaken vun de CDU to Bündnis 90/De Grönen tosnackt. Helmut Kohl hett he 1998 to’n Rückträe upfoddert un Roland Koch hett he för de sien utlännerfeendlichen Wahlkamp kritiseert. Ok, dat de Vatikan 2003 to dat Bekämpen vun de so nömmt Homo-Ehn upropen hett, weer he gegen.

Altmaier gull mit Ronald Pofalla, Norbert Röttgen, Eckart von Klaeden un annern as en vun de so nömmt jung Wilden un Liddmaat vun de informelle Pizza-Connection.

Altmaier gellt as Moderniseerer vun sien Partei as ok ünner Journalisten as kommunikativ un nettaffin. So is Altmaier luut Handelsblatt „dör sien Neeg to de Nettgemeen opfallen“ un „een vun de eersten Spitzenpolitikers, de Twitter aktiv nütt“,[12] dorto seggt Altmaier aver ok: „En Twitter-Account maak noch keen Nettkompetenz“.[13] Mit Anhangers vun de Piratenpartei hett he sück drapen, um mit jem över Datenschuul un Oorheverrecht to diskuteeren.[14][15]

Utteknungen[ännern | Bornkood ännern]

2004 wurr Altmaier to’n Ridder vun de franzöössch Ehrenlegion maakt.[16]

Weblenken[ännern | Bornkood ännern]

Peter Altmaier. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Peter Altmaier in Munzinger-Archiv, afropen an’ 20. Mai 2012
  2. [1] Die schwarz-grüne Geburtsrunde, Spiegel Online, 17. März 2008, afropen an’ 7. April 2012
  3. [2], Fraktionsvorstand, CDU/CSU Fraktion im Deutschen Bundestag, afropen an’ 7. April 2012
  4. http://www.cducsu.de/Titel__pressemitteilung_peter_altmaier_neuer_erster_parlamentarischer_geschaeftsfuehrer/TabID__6/SubTabID__7/InhaltTypID__1/InhaltID__14130/Inhalte.aspx, Peter Altmaier neuer erster Parlamentarischer Geschäftsführer, CDU/CSU Fraktion im Deutschen Bundestag, 27. Oktober 2009, afropen an’ 7. April 2012}}
  5. Tina Hildebrandt: Ein stummer Diener. In: Die Zeit, Nr. 52/2013 (to'n Kontext vun sien Ernennung)
  6. Matthias Gebauer, Jörg Schindler: Kanzleramt übernimmt: Merkel macht Flüchtlingshilfe zur Chefsache. In: Spiegel Online. 6. Oktober 2015, afropen an’n 7. Oktober 2015.
  7. Das neue Kabinett auf einen Blick, spiegel.de, 14. März 2018
  8. http://www.europa-union.de/eud/news/rainer-wieland-neuer-praesident-der-europa-union/%7Ctitle=Rainer Wieland neuer Präsident der Europa-Union, Europa-Union Düütschland, 27. November 2011, afropen an’ 7. April 2012}}
  9. http://www.fhbund.de/nn_15814/DE/90__Aktuelles/PM__2011/PM__PeterAltmaier__EhrensenatorFHBund__03052011.html?__nnn=true, Direkter Draht ins Parlament - Peter Altmaier, MdB zum Ehrensenator der Fachhochschule des Bundes für öffentliche Verwaltung bestellt, Fachhochschule des Bundes für öffentliche Verwaltung, 3. Mai 2011, afropen an’ 7. April 2012}}
  10. http://www.cducsu.de/Titel__peter_altmaier/TabID__23/SubTabID__24/AbgID__92/WP__17/Abgeordnete.aspx, Peter Altmaier|, CDU/CSU Fraktion im Deutschen Bundestag, afropen an’ 7. April 2012}}
  11. http://www.wiwo.de/koepfe-der-wirtschaft/peter-altmaier/5287040.html, Peter Altmaier, WirtschaftsWoche, afropen an’ 23. Mai 2012}}
  12. http://www.handelsblatt.com/politik/deutschland/peter-altmaier-twitter-koenig-der-cdu-wird-minister/6641820.html, „Twitter-König“ der CDU wird Minister, Handelsblatt, 16. Mai 2012, afropen an’ 23. Mai 2012
  13. http://www.tagesspiegel.de/meinung/peter-altmaier-twitter-ist-wie-wasser-und-strom/6073594.html, „Twitter ist wie Wasser und Strom“, Der Tagesspiegel, 17. Januar 2012, afropen an’ 23. Mai 2012}}
  14. http://www.zeit.de/politik/deutschland/2012-05/altmaier-umweltminister-portaet-merkel/komplettansicht, Merkels Alleskönner, Zeit Online, 16. Mai 2012, afropen an’ 23. Mai 2012
  15. http://www.spiegel.de/politik/deutschland/peter-altmaier-wird-neuer-umweltminister-a-833599.html, Der neue Liebling|, Spiegel Online, 16. Mai 2012, afropen an’ 23. Mai 2012}}
  16. http://www.botschaft-frankreich.de/IMG/pdf/altmaier.pdf%7C, Anspraak vun’n franzööschen Bottschopper, Claude Martin, bi de Vergaav vun de Insignien vun’n Ridder vun de Ehrenlegion an Peter Altmaier, Franzöösch Botschop, 29. November 2004, afropen an’ 7. April 2012}}