Oosten Wahnsteed

Vun Wikipedia
Koort vun de Oosten Wahnsteed vun de Norwegers in Gröönland. Vundaag höört dat Rebeet to de Bezirken vun Nanortalik, Qaqortoq un Narsaq. De bekannten Buernhööv un Karken sünd markeert un ok welke wohrschienliche Naams.

De osten Wahnsteed (Ooltnorweegsch: Eystribygð, Ieslännsch: Eystribyggð) weer dat gröttere vun twee Rebeden op Gröönland wo vun üm un bi 984 af norweegsche Buern ut Iesland wahnt hebbt. (Dat annere weer de Westen Wahnsteed). In ehr beste Tiet weern dat ca. 4000 Lüüd.

Eegentlich liggt de oosten Wahnsteed mehr in'n Söden as in den Oosten vun de annere. As de Koort dat wiest, liggt se op de süüdwesten Huuk vun Gröönland an't (Land-)Enn vun welke lange Fjorden. De letzten Narichten över disse Norwegers sünd vun 1410. Wat mit de Inwahners denn passeert is, is nich bekannt un vun de Wahnsteed sünd bloots Ruinen vun de Hööv un Karken bleven, t.B. in Brattahlíð, Garðar un Hvalsey.


Kiek ok[ännern | Bornkood ännern]