Niestadt in Holsteen

Vun Wikipedia

Niestadt (dör de Tieden: Nijgenstad to dher Crempen, Nijestad, Niestadt, Newstadt; hoochdüütsch Neustadt in Holstein[2]) is en lütt Haabenstadt an de Oostsee, tosaamen mit de Oostsee-Baadurten Pelzerhaken un Rettin üm un bi 16.500 Inwahners.

In’t 17. Johrhunnert wörden hier ut Eekenholt groote Oorlogscheep buut [3].

Na den grooten Stadtbrand an’n 28. September 1817 wör Niestadt ünner den königlich holsteenschen Budirektor C. F. Hansen, den bekannten klassizistischen Architekten vun de Palmaille in Altno, weer upbuut un kreig dorbi een nie klassizistisches Raadhuus [4]