Nico Matern
| Spelerinformatschonen | ||
|---|---|---|
| Geboortsdag | 27. November 1992 | |
| Geboortsoort | Buxthu, Düütschland | |
| Grött | 182 cm | |
| Positschoon | offensiv Middelfeld | |
| Verenen in de Jöögd | ||
| –2010 2010–2011 |
FC St. Pauli | |
| Verenen as Speler1 | ||
| Johren | Vereen | Spelen (Doren) |
| 2011–2012 2012–2014 |
Wupperdaler SV SV Drochters/Aßel |
1 (0) 58 (8) |
|
1 Blots Liga-Spelen. | ||
Nico Matern (* 27. November 1992 in Buxthu) is en düütschen Footballspeler in dat offensive Middelfeld.
Matern is 1992 in Buxthu boren un hett toeerst in de Jugend för’n FC St. Pauli un den Halleschen FC speelt. Ut de A-Jugend von Halle is he na’n Wupperdaler SV in de Regionalliga West wesselt. Sien eerst un eenzig Speel för Wupperdaal harr he an’n 28. Oktober 2011 ünner Trainer Hans-Günter Bruns bi dat 1:0 gegen de Reserve von Bayer 04 Leverkusen.
Na een Saison is he von’n Wupperdaler SV wedder weg un güng to SV Drochters/Aßel in de Oberliga Neddersassen. Sien eerst Speel för’n ne’en Vereen weer an’n 3. August 2012 bi dat 3:0 gegen den Lümbörger SK Hansa. Sein eerst Door för’n SV harr he bi dat Trüggspeel bi’n Lümbörger SK Hansa an’n 17. November 2012. In’e 66. Minuut hett he dat 2:0 schaten (dat Speel is 4:0 utgahn).
Na twee Speeltieden is he na Hansa Rostock wesselt un hett dor in de twete Mannschop speelt. Dat eerste Speel in de Oberliga Noordoost för Hansa Rostock II harr he an’n 3. August 2014 bi dat 0:4 gegen den SV Altlüdersdorf. Bi dat Speel an’n 8. August 2014 hett he dat eerste Door för Rostock schaten. In’e 15. Minuut hett he dat 1:0 maakt (dat Speel gegen FC Pommern Griepswoold is 2:0 utgahn). Ünner Trainer Peter Vollmann harr he an’n 6. September 2014 sien Profidebüt in de 3. Liga. Bi dat 0:1 von de eerste Mannschop gegen den Halleschen FC is he in de 80. Minuut för Marcel Ziemer inwesselt worrn.
To de Saison 2015/2016 is he von’n FC Hansa Rostock na’n Regionalliga-Opstieger FC Schönberg 95 wesselt un harr dor an’n 26. Juli 2015 dat eerste Speel. Bi düt Speel hett he in de 18. Minuut mit dat 1:0 ok dat eerste Door för Schönberg schaten.
Na een Saison is he von’n FC Schönberg 95 weg un hett bi’n Buxthuer SV anfungen. Sien Debüt in de Oberliga Hamborg harr he an’n 31. Juli 2016 bi dat 1:4 gegen den Niendörper TSV.
In’n August 2017 is he mit en Vullstipendium an de Indiana Wesleyan University gahn un hett dor för de Indiana Wesleyan Wildcats College-Football speelt. Anfang 2018 is he aver in de United Soccer League wesselt, de twete amerikaansche Liga, un speelt dor nu för de Indy Eleven.
He hett ok Futsal för de Hamborg Panthers speelt.