Mo Tae-bum
Mo Tae-bum (* 15. Februar 1989) is en süüdkoreaansch Iesflinklöper.
In’t Juniorenöller wunn he 2006 in Erfurt twee Weltmeesterschapstitel över 500 Meter un 1500 Meter. 2009 wunn he bi de Winter-Universiade in Harbin twee Goldmedaillen över 1000 Meter un 1500 Meter.
Bi de Olympisch Winterspelen 2010 in Vancouver weer he över 500 Meter, 1000 Meter un 1500 Meter an’ Start. He hett denn de Goldmedaille över 500 Meter mit en Tiet vun 34,923 Sekunn wunnen, as ok de Sülvermedaille över 1000 Meter.