Matteo Renzi

Vun Wikipedia
Matteo Renzi (2012)

Matteo Renzi (* 11. Januar 1975 in Florenz) is en italieensch Politiker (PD) un van Februar 2014 bit Dezember Ministerpräsident vun Italien. Van 2009 bit 2014 weer he Börgermeester vun Florenz. Tovör weer he siet 2004 Präsident vun de Provinz Florenz. In en Basisafstimmen ünner Parteianhänger wurr Renzi an' 8. Dezember 2013 to'n Vörsitter (segretario) vun de Partito Democratico wählt.[1]

Leven[ännern | Bornkood ännern]

Renzi is in Rignano sull'Arno, den Wahnoort vun sien Öllern upwussen. Sien Vader Tiziano weer van 1985 bit 2002 Gemeenderaat vun de Partito Popolare Italiano (PPI) in disse Stadt.[2] Matteo Renzi studeer an de Universität Florenz, wo he 1999 sien Studium vun de Rechtswetenschap mit Diplom afslooten hett. Nah dat Studium hett he bi de vun sien Vader in Genua grünnd Marketing-Firma CHIL srl (hüüd CHIL Post srl) arbeit, todem hull he van 1999 bis 2004 gemeensam mit sien Süster de Mehrheitsandeelen an dat Ünnernehmen.[3]

Renzi is siet 1999 mit en Gymnasiallehrerin verheiraadt un hett dree Kinner.[4]

Politische Loopbahn[ännern | Bornkood ännern]

De politische Loopbahn vun Renzi fung all in de Studientiet an. 1996 nehm he an de Grünnen vun dat Comitati per Prodi, to'n Ünnerstütten vun den Wahlkamp vun Romano Prodi deel un is in den PPI intreden, de sien Vörsitter för de Provinz Florenz he 1999 wurr. 2002 gung de PPI in de neegrünnd Partei La Margherita – Democrazia è Libertà up. Renzi wurr ok för disse Partei Koordinator un later Vörsitter för de Provinz Florenz. Nahdem sück de Margherita 2007 uplööst hett, is he de nee grünnd Partito Democratico (PD) bitreden.

Van 2004 bit 2009 weer he Präsident vun de Provinz Florenz.

An' 21./22. Juni 2009 wurr he mit 59,96 % vun de Stimmen to'n Börgermeester vun Florenz wählt. In dat glieker Johr wurr he in den erweiterten Vörstand vun den PD gewählt.[5]

2011 weer he luut en Umfraag vun dat Blatt Il Sole 24 Ore de an' beleevsten Börgermeester vun Italien.[6]

Matteo Renzi bi de Bekanntgaav vun sien Kabinett an' 21. Februar 2014

Nah de italieensch Parlamentswahlen Enn' Februar 2013 keem dat to en Regeerenskrise, wiel PD-Parteichef Pier Luigi Bersani bi dat Billen vun en nee Regeeren scheitern un torüchtreden dee. Renzi wull gau Neewahlen hemm, wat to düchtig binnerparteilich Diskussionen führen dee. Anhänger vun Bersani hebbt Renzi vörsmeeten, ut persönlich Kalkül herut gegen en vun den PD führt Minnerheitsregeeren un för Neewahlen to ween.[7] Staatspräsident Giorgio Napolitano hett denn an' 24. April 2013 Enrico Letta – as Viezchef vun den PD – mit de Billen vun en nee Regeeren beupdragt. Dat hett he den ok schafft; sien Regeeren – dat Kabinett Letta – wurr an' 28. April 2013 ünner Eid nommen.

Siet Dezember 2013 is Renzi Nahfolger vun Guglielmo Epifani as Vörsitter vun den Partito Democratico. Renzi kunn sück bi de Oorwahl en düütlich Mehrheit vun 68 % vun de Stimmen sekern, ofschons Ministerpräsident Enrico Letta Renzi sien Kontrahenten Gianni Cuperlo ünnerstütt harr.[8]

Matteo Renzi mit Staatspräsident Giorgio Napolitano bi sien Vereidigung an' 22. Februar 2014

An' 14. Februar 2014 hett Letta sein Rückträe verklort, nahdem Renzi hüm düchtig dorto drängt harr.[9][10] An' 17. Februar 2014 wurr Renzi vun Staatspräsident Napolitano mit de Billen vun en nee Regeeren beupdragt; an' 22. Februar wurr dat Kabinett Renzi denn ünner Eid nommen. Nah dem en vun hüm vörsehn Verfaatensreform nich dörgung hett he an' 5. Dezember 2016 bi Staatspräsident Sergio Mattarella sien Rückträe inreicht, de hüm aber beden dee, bit to de Verafscheeden vun den italieensch Staatshuushollen in't Amt to blieven. De Huushollen wurr an 7. Dezember 2016 beslooten, Renzi sien Rückträegesöök hett Mattarella ünner Vörbehalt annommen. Bit en nee Regeeren steiht, blifft geschäftsführend in't Amt.

In'n September 2019 hett Renzi sien Uuträe ut de Demokratischen Partei un de Grünnen van en nee Partei mit Naam Italia Viva ankünnigt.

Publikatschonen[ännern | Bornkood ännern]

  • 2011: Fuori! („Rut!“), Verlag Rizzoli[11] düütsch: Raus! Politik mit offenem Visier. Britzer Hufeisen-Verlag, Berlin 2012, ISBN 978-3-942386-01-2.
  • 2012: Stil Novo, Verlag Rizzoli[12]

Weblenken[ännern | Bornkood ännern]

Matteo Renzi. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. [1], Primarie Pd, è il trionfo di Renzi: sfiora il 70% dei voti, La Repubblica, van' 8. Dezember 2013 (italieensch)
  2. Websteed vun dat Binnenministerium afropen an' 3. Dezember 2012
  3. http://www.laretenonperdona.it/2013/06/16/cause-e-fallimenti-aziendali-i-danni-di-papa-renzi/
  4. Biografie up de Websteed Matteo Renzi, Sindaco di Firenze (italieensch), afropen an' 3. Dezember 2012
  5. Profil up de Siet vun den Partito Democratico
  6. [2] Gianni Trovati: È il fiorentino Renzi il sindaco più amato d'Italia., Il Sole 24 Ore, van 10. Januar 2011, afropen an' 3. Dezember 2012
  7. http://firenze.repubblica.it/cronaca/2013/04/15/news/renzi_ingiusto_attaccarmi_avverto_molta_amarezza-56708634/?ref=search
  8. [3] Matteo Renzi ist neuer Chef der Demokratischen Partei, [Die Zeit]] van' 9. Dezember 2013, afropen an' 5. Januar 2014
  9. FAZ.net: Bericht von FAZ-Korrespondent Jörg Bremer aus Rom
  10. FAZ.net: Rücktritt mit Ansage – Vizepremier Angelino Alfano taktiert noch
  11. Bookvörstellen Fuori! bi Rizzoli, upropen an' 16. Februar 2014
  12. Bookvörstellen Stil Novo bi Rizzoli, upropen an' 16. Februar 2014