Lucien Van Impe
Lucien Van Impe (* 20. Oktober 1946 in Mere) is en ehmalger belgisch Radrennfohrer. He wunn de Tour de France in dat Johr 1976.
Van Impe hett 1969 sien Profikarriere anfungen. He gull während sien Loopbahn as afsoluter Barg- un Rundfohrtspezialist. So kunn he alleen sössmal dat Bargtrikot bi de Tour de France winnen. Vör hüm harr dat blots Federico Bahamontes schafft un eerst 2004 hett Richard Virenque dat överbooten. Sien Tour-de-France-Gesamtsieg in dat Johr 1976 stellt natüürlich den afsluuten Höhepunkt vun sien Karriere dor. Insgesamt hett Van Impe 14 Mal an de Tour de France deelnommen un is jeds Mal ok in Paris ankommen un hett dorbi 9 Deelstrecken wunnen.
1982 un 1983 wunn Van Impe ok den Bargpries bi den Giro d'Italia. As Bargspezialist harr he aber bi de Klassike meest kien Chance. Sien best Platzeeren weer Platz söss bi dat Rennen Lüttich-Bastogne-Lüttich. Umso överraschender weer dorgegen sien Sieg bi de belgisch Meesterschapen 1983.
1987 hett Lucien Van Impe sien Karriere beend. He hett dornah för den belgisch Feernsehn vun de Tour de France-Berichterstattung mitwarkt.
Palmarès (Utwahl)
[ännern | Bornkood ännern]- Gesamtsieg Tour de France (1976)
- Bargtrikot Tour de France (1971, 1972, 1975, 1977, 1981, 1983)
- 2. Platz Tour de France (1981)
- 3. Platz Tour der France (1971, 1975, 1977)
- Winner vun 9 Tour-de-France-Etappen
- Bargtrikot Giro d'Italia (1982, 1983)
- Belgisch Straatenmeester (1983)