Lol (Jugendspraak)

Vun Wikipedia

Lol is en Woort, dat mank Jugendlichen, sunnerlich in dat Internet, begäng wurrn is. An un for sik kümmt dat ut de Engelsche Sprake un is en Afkörten vun de Wöör Laughing out loud (Ik smiet mi weg vör Lachen) oder Lots of Laughs (Ik lach mi een). Bi Jugendlichen warrt düt Akronym bruukt, wenn se sik in'n Chatroom unnerholen doot un wiesen wüllt: Hier gifft dat würklich wat to lachen.

Hüdigendags is düt Woort so faken bruukt, dat sik de Sinn towielen verloren hett. Denn warrt dat eenfach nahmen, ok wenn dat gor nix to lachen gifft. Dor is dat ok al mit Lack of laughter (Hier gifft dat nix to lachen) üm översett' wurrn.

Un so warrt Lol denn bi dat chatten sunnerlich in düsse Fäll bruukt:

  • Wenn een seggen will: „Ik hebb hier nix to seggen, wat wichtig is“
  • Wenn een utdrückt: „Ik bün to fuul, to lesen, wat du just schreven hest. Dor schriev ik düt Woort um rin, dat du denken deist, ik pass noch up“
  • Wenn een de Meenung is: „Wat du seggt hest, is rein gor nich lustig, man ik do eenfach so, as wenn ik dat to'n Lachen finn“
  • wenn een düt Akronym so in sien Kopp ingraven hett, dat he dat eenfach bruken mutt, wenn he bi to chatten is. Denn is dat een sinnloos Woort, wat bloß man den Satz vuller maken deit.

Weblenken[ännern | Bornkood ännern]

Kiek ok bi[ännern | Bornkood ännern]