Leopold von Hassell

Vun Wikipedia

Leopold William Friedrich von Hassell (* 16. August 1843 in Celle; † 20. Januar 1913[1] in Kassel) weer en düütschen Jurist.

Von Hassell is 1843 as Söhn von Karoline, borene von Bobers (6. November 1812–31. Mai 1880), un den Jurist Christian von Hassell (13. September 1805–5. Februar 1860) in Celle boren.[2][3] Karl von Hassell weer sien Broder. He hett eerst an de Universität München Juristeree studeert un is dor an’n 21. Oktober 1862 Maat von dat Corps Franconia worrn.[4] Sien Studium toenn bröcht hett he an de Universität Göttingen. Na dat Studium is he in’n hannöverschen Justizdeenst gahn un weer toeerst Auditer. Nadem Prüßen 1867 dat Königriek Hannover annekteert hett, hebbt se em as Referendar in’n prüüßschen Justizdeenst övernahmen un he is 1870 Gerichtassesser worrn.[3] 1872 keem he an dat Amtsgericht Leh un is dor 1873 Amtsrichter worrn.[3] 1875 keem he as Assesser an dat Obergericht Auerk un Lümborg.[3] 1879 is he Landrichter worrn un 1888 Direkter von dat Landgericht Nordhausen.[3] 1892 is he as Direkter an dat Landgericht Göttingen versett worrn.[3] He weer von 1896 bet 1900 Präsident von dat Landgericht Lümborg un is denn för de Tied von 1900 bet 1905 Präsident von dat Landgericht Kassel worrn.[3] In dat Johr 1905 is he Präsident von dat Oberlandsgericht Kassel worrn.[1] Dat is he bet to sien Dood 1913 bleven.[1] In disse Tied hett he den Charakter von en Würklichen Gehemen Oberjustizraad kregen.[1][3]

Von Hassell hett an’n 26. Mai 1871 in Celle Helene Sofie Elise Luise Reinecke (10. Oktober 1848–23. Juni 1933) freet.[2] De beiden harrn ünner annern den Söhn Carl Adolf Hans (28. Februar 1872–7. Juli 1932).

Footnoten[ännern | Bornkood ännern]

  1. a b c d http://www.territorial.de/reich/justiz/oberland/kassel.htm
  2. a b Genealogisches Handbuch des Adels. C.A. Starke., 1989, Sied 163
  3. a b c d e f g h Acta Borussica, Band 9
  4. Kösener Corpslisten 1930, 108/309