Laurentius-Kark (Deesdorp)
De Laurentius-Kark in Deesdorp is en evangeelsch-luthersche Kark, de to’n Karkenkreis Wersermasch in de Landskark Ollnborg tohöört. Ehren Naam hett se von’n Hilligen Laurentius.
Historie
[ännern | Bornkood ännern]1050 hett Bernhard II. in Deesdorp de eerste Kapell boon laten, as Filialkapell von de Kark in Braamst. 1150 is ut de Kapell denn en Kark worrn.
Dat hüdige Karkengebüüd is in dat 13. Johrhunnert boot worrn. De westen Deel von dat Langhuus stammt noch ut disse Tied. De Choor mit halvrunne Apsis un Krüüzgewölv is 1838 afreten un dat Schipp na Oosten verlängert worrn. Den Westtoorn hett 1870 G. Wegener boot. Vörher harr de Kark en Toorn in’n Stil von de Romanik.
Üm de Kark rüm staht 40 Stelen un 17 Graffplatten ut de Johren twüschen 1600 un 1800.
Dat Kaspel hett fröher to’n Karkenkreis Braak höört. As de mit dat ne’e Karkengesett von de ollnbörgsche Landskark to’n 1. Januar 2001 oplööst worrn is, keem Deesdorp an’n Karkenkreis Butjadingen. To’n 1. Juli 2007 is disse Karkenkreis denn Deel von’n Karkenkreis Wersermasch worrn.
Örgel
[ännern | Bornkood ännern]
De Örgel is 1698 von Arp Snitger boot worrn.
Kaspel
[ännern | Bornkood ännern]To dat Kaspel von de Kark höört de Öörd Üterlann, Overwarf, Eidewarden, Wiemsdörp, Maihusen, Büttel (de Deel von dat Dörp, de fröher to Ollnborg höört hett), Neenlann un Deesdorp.
De Naverkaspels sünd Wulsdörp in’n Noorden, Stotel in’n Noordoosten, Büttel in’n Süden, Roonkarken in’n Süüdwesten, Esenshamm in’n Westen un Nordenham in’n Noordwesten.
Pastoorn
[ännern | Bornkood ännern]- –1689: Johann Spiesmacher
- 1690–1694: Johann Ocksen
- ~1697: Petrus Dreas
- ~1765: Gleinius
- 1776–1801: Christoff Anton Hemmi
- 1801–1827: Adam Christian Langreuter
- 1827–1842: Dietrich Conrad Ludwig Kuhlmann
- 1842–1876: Lorenz Püschelberger
- 1882–1888: J. Carstens
- 1892–1932: Daniel Ramsauer
- August Pleus
- ~1972: Gerhard Ramsauer
- –8. September 2011: Manuela Wüsteney
- 2011–: Bettina Roth
Literatur
[ännern | Bornkood ännern]- Daniel Ramsauer: Chronik von Landwührden und der Kirchengemeinde Dedesdorf. Männer vom Morgenstern, Bremerhoben ahn Johr (ca. 1924)
Weblenken
[ännern | Bornkood ännern]
- Websteed von de Kark (hoochdüütsch)
Koordinaten:53° 27′ N, 8° 30′ O