Laurent Dufaux
Laurent Dufaux (* 20. Mai 1969 in Montreux) is en ehmalger Swiezer Radrennfohrer.
Dufaux hett Sanitär-Installateur lernt un gull bi en Körpergrött vun 1,69 m as Bargspezialist un weer vör allen up bannig swoor Strecken spoodriek.
1991 fung sien Prof-Loopbahn bi de Mannschap vun Helvetia an. Twee Johr later wessel he to de spaansch Mannschap vun Once. Van 1995 bit 1998 weer he bi dat Radsportteam Festina ünner Verdrag. Wiel ok he in de Festina-Affäär wiels de Tour de France 1998 verwickelt weer, wurr he för söben Maand sparrt. Dornah is he noch för twee italieensch Mannschapen fohren, van 1999 bit 2001 för Saeco, ansluutend bit 2002 för dat Team Alessio. As Liddmaat vun dat Team QuickStep-Davitamon hett he 2004 sien Karriere afslooten.
Wat he schafft hett
[ännern | Bornkood ännern]1991 wurr he Swiezer Meester in’t Straatenrennen. Dorto wunn he dat Dauphiné Libéré (1993 un 1994), de Tour de Romandie (1998) un de Meesterschap vun Zürich (2000). Bi de Tour de France keem he tweemal up den veerten Platz in de Gesamtwertung (1996, 1999) un tweemal Tweet in de Bargwertung (1996, 2003). Bi de Vuelta a España 1996 keem he ebenfalls up den tweeten Platz.
Bi de Olympisch Spelen 2000 keem he in’t Straatenrennen aber man blots up Platz 64.