Konstantin I. (Paapst)

Konstantin I. (* 664 in Syrien; † 9. April 715 in Rom) wurr an' 25. März 708 as Paapst inthroniseert.

He moot all ünner Paapst Agatho en hooch ansehn Liddmaat vun de Kark ween hemm, wiel he Liddmaat vun de päpstlich Delegatschoon up dat Darte Konzil vun Konstantinopel weer.

Över Konstantin, den letzten byzantienschen „Vasallenpaapst“, is wenig bekannt. Up Anordnung vun den dortigen Kaiser Justinian II. hett he 710 in de sien tweet Regeerenstiet Byzanz besöcht, womöglich um de Ergevnisse vun de Trullaansch Synode to bestätigen.

Konflikte geev dat mit den Arzbischop vun Ravenna, wiel de sück nich den Paapst ünnerordnen wull; mit Benedikt vun Mailand, den mailändschen Arzbischop, de vun den Paapst fordern dee, dat he de Bischööp vun Padua sülvst insetten sull; un mit den Nahfolger vun Justinian, den byzantienschen Kaiser Philippikos Bardanes, de vun hüm ahn Spood verlangen dee, dat he de Glöövensdefinitschoon vun dat Darte Konzil vun Konstantinopel afswöören dee.

De Paapst sull för dat Inhollen vun de Beslüsse vun de Trullaansch Synode van 692 sörgen, wiel den Kaiser todraagen wurrn weer, dat besünners de Papsten Sergius I. un Johannes VII. de Lehrsatzen to de Disziplin aflehnt oder blots halfhartig befolgt harrn. Bi de Verhandlungen dee sück besünners Diakon Gregor (de latere Paapst Gregor II.) hervör un hett en Kompromisslösung anboden, de beid Sieden anerkennen kunnen. De Upenholt in Konstantinopel (710/711) sull för 1250 Johr de letzte Besöök vun en Paapst bi de Oostkark ween (eerst Paul VI. hett Istanbul weer 1964 besöcht).

Dat goot Verhältnis to Ostrom weer aber blots vun en kört Düer, wiel Justinian II. vun en Grupp vun Suldaten doodslahn wurr (4. November 711). Se hebbt denn Philippikos Bardanes, en övertüügten Monotheleten, up den Kaiserthron sett, worup en nee Striet utbreeken dee. Nahdem de nee Kaiser den Exarchen vun Ravenna updragen harr, de Monotheletismus in Rom intoführen, keem dat to regelrecht Straatenslachten. Paapst Konstantin I. hett doruphen en grooten Tall vun Preesters in de Stadt haalt, de sück den antikaiserlichen Demonstranten mit Krüüzen un Evangelien in den Weg stellen deen un to'n Freeden mahnt hebbt.

713 wurr Philippikos störrt, wat all Sieden good finnen deen. De nee Kaiser (Anastasios II.) hett dat, wat Justinian II afmaakt harr, bestätigt un hett dormit de beid Lagers mitnanner versöhnt.

Konstantin hett in sien Pontifikat dree Kardinäle ernannt, dorünner den lateren Paapst Gregor II., de ok sien Nahfolger wurr.

Literatur

Ph. Levillain: Dictionnaire Historique de la Papauté. 1994
R. Barth & F. Bedürftig: Taschenlexikon Päpste. 2000

Weblinks

Konstantin I.. Mehr Biller, Videos oder Audiodateien to’t Thema gifft dat bi Wikimedia Commons.

Vörgänger	Amt	Nafolger
Sisinnius	Paapst 708 - 715	Gregor II.