Katalin Szőke

Vun Wikipedia
Katalin Szőke, 1952
Büste vun Katalin Szőke

Katalin Szőke [[ˈkɒtɒlin ˈsøːkɛ]] (* 17. August 1935 in Budapest; † 27. Oktober 2017 in Los Angeles, Kalifornien[1]) weer en ungarsch Swemmsportlerin.

Se is as Dochter vun Márton Homonnai, en Olympiadeelnehmer in‘ Waterball, boren, de aber as Kriegsverbreeker nah Argentinien flücht is. Se hett denn de Gebortsnaam vun hör Moder annommen un kunn dordör ok för dat ungarsch Swemmteam uploopen un an internatschonalen Wettkämpen deelnehmen.

In dat Öller vun 16 Johren wurr se Düppeloympiasiegerin bi de Olympisch Spelen 1952 in Helsinki. Se wunn sowohl de 100 m Freestil (vör Johanna Termeulen un Judit Temes) as ok mit de 4×100 m Freestilstaffel vun de ungarsch Mannschap.

Bi de Europameesterschapen 1954 in Turin kunn se todem den Titel över 100 m Freestil vör Judit Termes un Geertje Wielema winnen. Dorto keem noch den Goldmedaille mit de ungarsch Freestilstaffel.

1956 is se in de USA flücht, wiel dat in Ungarn politisch Unruhen geev. Dor hett se denn den ungarschen Waterballspeler Kálmán Markovits heiraadt, vun de se later weer scheedt wurr. Se hett denn Árpád Domján, ok en Waterballspeler, heiraadt, mit de se en Söhn harr. Se hemm den ungarschen Naam Domján in Domyan ännert. Hör Söhn Bryan weer later Basketballspeler. Se sülvst hett in en Bank arbeit un weer ok as Model tätig.

1985 wurr se in de Ruhmeshall vun den internatschonalen Swemmsport upnommen.

Enkeld Nahwiesen[ännern | Bornkood ännern]

  1. Gyász: elhunyt Szőke Kató, Helsinki kétszeres olimpiai bajnoka

Weblenken[ännern | Bornkood ännern]