Karl Bauer (Schriever)

Vun Wikipedia

Karl Bauer (* 10. April 1830 in Sässenhusen; † 12. Januar 1880 in Leipzig) weer en plattdüütschen Schriever.

Bauer is 1830 in Sässenhusen as Söhn von en Kreisbeamten boren un hett bet to’n Öller von 13 Privaatünnerricht kregen. Denn hett sien Vadder en nee Arbeid in Arolsen anfungen un de Jung güng op Rekter Grosskurth sien Privaatschool. Von 1845 bet 1848 güng he denn na’t Gymnasium in Körbach. 1849 hett he in Jena en Studium op Juristeree anfungen. Aver al na korte Tied harr he dat so dull mit de Lung, dat he von Harvst 1849 bet 1852 bi sien Öllern bleven is. Üm siene Gesundheit stünn dat von de Tied an slecht. Von 1852 af an hett he denn in Heidelbarg, Bonn un Berlin studeert un weer denn Avkaat in Arolsen. Later hett he wegen de Gesundheit sien Arbeid opgeven un güng 1879 in de Privaatklinik von Perfesser Wagner in Leipzig. Blangen en kaputte Lung harr he’t ok mit’n Maag un Kreevt in Neren un Lebber. In de Klinik is he 1880 denn doodbleven.

Sien ganz Leven lang harr Bauer sik mit Spraken un Geschicht beschäftigt. Dat Wöörbook von’n waldeckschen plattdüütschen Dialekt, dat he tohoopstellt harr, is na sien Dood von’n Vereen för nedderdüütsche Spraakforschung rutgeven worrn.

Warken[ännern | Bornkood ännern]

  • Waldeckisches Wörterbuch nebst Dialektproben. rutgeven von Hermann Collitz un’n Vereen för nedderdüütsche Spraakforschung, Verlag Diedrich Soltau, Norden un Leipzig 1902