Josua Roedenbeck

Philipp Josua Roedenbeck (* 16. Dezember 1871 in Halle (Saale); † 19. November 1914 bi Bixschoote) weer en düütschen Verwaltungsbeamten.

Roedenbeck is 1871 in Halle boren. He hett Juristeree an de Universitäten Marburg un Berlin studeert un weer von 1896 af an Rechtsreferendar an de Amtsgerichten Charlottenburg un Werder. 1900 is he as Regerungsreferendar na Danzig gahn un 1901 Regerungsassesser worrn. 1905 weer he bi de Regerung in Stood. An’n 1. Mai 1905 hett he toeerst vertredungswies un an’n 1. November kommissarsch dat Leid von dat Landraadsamt von’n Kreis Achem övernahmen. 1908 is he richtigen Landraad worrn.

Roedenbeck hett 1907 dat Kultiveren von dat Bauer, Ueser un Etelser Moor op’n Weg brocht un ünner sien Leid is de Kreis Achem de Hannöversche gemeennüttige Ansiedlungssellschop bipeddt. 1910 hett he den Kreisutschuss en Plaan för dat Kultiveren von dat Rebeed vörleggt. De Besiedlung von de Kolonie Bauermoor hett he nich mehr beleevt. He is to Anfang von’n Eersten Weltkrieg in’n November 1914 as Soldaat in Flannern fullen.