Joseph Meister

Joseph Meister (* 21. Februar 1876 in Steige (Elsass); † 16. Juni 1940 in Paris) weer de eerste Minsch, de mit Spood gegen Dullwoot empt worrn is.

Leven

Meister weer de Söhn vun en Backer in’t elssäs’sche Maisonsgoutte. In’t Öller vun negen Johren is he an’n 4. Juli 1885 vun en Hund beten worrn, de Dullwoot harr. En Dokter hett Meister sien Mudder na Louis Pasteur schickt, de al siet fief Johren an en Empstoff gegen de Dullwoot arbeit harr.

Mit ehrn Söhn is se an’n 6. Juli 1885 bi Pasteur wesen. Vun wegen dat bit dorhen noch keeneen en Dullwoot-Infekschoon överleevt harr, hett Pasteur beslaten, den Jungen mit en Empstoff to behanneln, den he to de Tiet blots an Hunnen test harr. He geev den Jungen en Injekschoon in de Buukhuut. De Behanneln mit jemehr vull virulenten Empstoff weer na dree Weken afslaten. Meister hett dormit as eerste Minsch en Dullwoot-Infekschoon överleevt.

Vun 1913 bit an sien Levensenn hett Joseph Meister as Pörtner in’t Institut Pasteur in Paris arbeit. He hett dor in’t Öller vun 64 Johren Sülvstmoord maakt ut Vertwieveln över’t Besetten vun Paris dör de Düütschen.

Literatur

Stefan Winkle: Geißeln der Menschheit – Kulturgeschichte der Seuchen. Artemis & Winkler Verlag, 3. wietere Oplaag, 2005, ISBN 3-538-07159-4
J.A. Massard: Zum hundertsten Jahrestag der ersten Tollwutimpfung. Tageblatt 1985, Nr. 154 (6. Jul.): 8, Nr. 159 (13. Jul.): 9.