Jean Dominique Comte de Cassini

Jean Dominique Comte de Cassini, ok Cassini IV. nömmt, (* 30. Juni 1748 in Paris; † 18. Oktober 1845 in Thury-sous-Clermont) weer en franzöösch Kartograaf un Astronom.

Cassini keem an de Pariser Steernwacht to Welt, deren Direkter sien Vader César François Cassini de Thury weer.

1768 ünnernehm he as Kommissar vun de Akademie vun de Wetenschapen en Reise nah Amerika, de he in en 1770 rutbrocht Book beschreev. 1787 hett he sück an de Utwerten vun de Beobachtungen vun de Pariser Steernwacht un dat Royal Greenwich Observatory bedeeligt, anhand derer de nipp un nau Längengraddifferenz vun de beid Forschensstätten bestimmt wurrn sull. Bi en Upenholt in England hett he gemeensam mit Pierre Méchain un Adrien-Marie Legendre den düütschstämmigen Astronom Wilhelm Herschel in de sien Observatorium in Slough besöcht. En Wark, in dat Cassini sien Upgaven beschreev, keem 1791 herut. He hett de Frankriekkoort vun sien Vader fardigstellt. De Koort wurr 1793 vun de Akademie vun de Wetenschapen herutgeven un deen as Grundlaag för den „Atlas National“, de Frankriek updeelt in Départements dorstellen dee.

1784 övernehm he vun sien Vader den Posten vun den Steernwachtdirekter. Sien Plääns to Rekonstruktschoon un Wedderutstatten nah de franzöösch Revolutschoon sünd aber up den hartesten Wedderstand vun de Natschonalversammlung stött. Sien Positschoon weer nich mehr to hollen un an' 6. September 1793 is he torüchtreden. 1794 keem he för söben Maand in't Gefängnis. Dornah gung he nah Thury.

1810 keem sien umfangriek Wark Mémoires pour servir à l’histoire de l’observatoire de Paris herut, dat ünner annern de Autobiografie vun sien Oorgrootvader Giovanni Domenico Cassini enthull.

Weblenken

Jean Dominique Cassini (1748-1845). Mehr Biller, Videos oder Audiodateien to’t Thema gifft dat bi Wikimedia Commons.

Die Cassini-Koorten in't Internet
des villages de Cassini aux communes d’aujourd’hui (franzöösch), warffree Siet mit Söökfunktschoon för Gemeenden up Cassinikoorten
DNB-Katalog
Personennaamdatei