Jana Kandarr

Vun Wikipedia

Jana Kandarr (* 21. September 1976 in Halle, DDR) is en düütsch ehmalge Tennisspelerin.

Karriere[ännern | Bornkood ännern]

De Linkshänderin Kandarr, de aber rechtshändig Tennis spelen dee, truck nah de düütsch Weddervereenigung mit hör Öllern (hör Moder Petra Kandarr weer 1969 Sportlerin vun dat Johr in de DDR) vun Halle nah Karlsruhe un hett eenig Johr in dat Landesleistungszentrum Oberhaching traineert, bevör se 1994 Tennisprofi wurr.

As gröttste Spood vun hör teihnjohrig Tenniskarriere kann hör Deelnahm an de Olympisch Spelen 2000 in Sydney ansehn wurrn. Se weer in' Tennis eenzig deelnehmend Athletin för Düütschland un reck de Runn vun de letzt 16, wo se gegen de latere Goldmedaillenwinnerin Venus Williams verlor. Ok dat Ergevnis bi de Australian Open in dat Johr 2000, wo se as Qualifikantin dat Achtelfinale recken dee, tellt to hör wichtig Erfolgen. Dat Halffinale reck se todem bi de WTA-Turnieren 1996 in Palermo un 2001 in Estoril. Hör hööchst Platzeeren in de Weltrangliste reck Kandarr an' 11. Juni 2001, as se nah en Sieg över Amélie Mauresmo in de eerst Runn vun de French Open nah dat Turnier up Platz 43 upführt wurr.

Jana Kandarr hett hör Profi-Karriere an' Enn' vun dat Johr 2003 afslooten, keem aber 2005 noch mal för veer Turniere torüch. Se reck dorbi in Wimbledon nah Siege över Olha Sawtschuk un en hart umkämpt Match gegen Kathrin Wörle immerhen de darte Qualifikatschoonsrunn, wo se denn aber tegen de Italienerin Mara Santangelo verlor. Tovör överstunn se in Berlin tominst de Uptakthürde. Dat kört Comeback weer aber ok all nah veer Turnieren bi de WTA in Stockholm to Enn', wo se nah twee Siegen in de dart Runn gegen de Russin Alla Kudrjawzewa in de dart Qualikatschoonsrunn düütlich verlor.

Hör Abitur hett Kandarr eerst 2000 maakt, se harr 1996 de School för dat Tennis ünnerbraken. In dat Wintersemester 2002/03 fung se en Studium vun de Geowetenschapen un Biologie an de Humboldt-Universität Berlin an.

Weblenken[ännern | Bornkood ännern]