Helene Höhnk

Vun Wikipedia

Gesche Helene Höhnk (* 3. Februar 1859 up den Sophienkoog; † 27. März 1944 in Büsen) is en Dithmarscher Heimatflegerin wen.

Levensloop[ännern | Bornkood ännern]

Se is in den Sophienkoog boren wurrn un is up en Hoff in de Marsch upwussen. Se harr en Süster Ina, mit de se good kunn und twee Bröers. Dree anner Kinner ut de Familie sünd kört nah de Geburt storven.

Zusammen mit Ina besöch eerst de School in Helserdiek, nachdem de Schoolmeester aber gahn muss (he harr en Kind mit de Huushollersch), wurrn se tosommen mit anner Kinner privat in Marne bit 1874 ünnericht. Se wull denn wieder lernen un Schoolmeester wurrn, aber hör Vörmund, en Unkel (hör Vader weer intüschen storven) weer dorgegen, un so keem see eerst up en Good in de Sleswiger-Land un dorna in en Aftheker-Huushollen.

As se mündig wurr, hett se vun hör Arvdeel Geld nommen un is mit Hülp vun hör ehmalge Lererin nah Dresden gahn. Toerst leet se sück drieven, stell sück denn aber gau up dat för hör nee Leven in, nehm Ünnerricht in Geschichte, Literatur, Kunst, in de Spraken Latiensch un Greeksch. In Dresden hett se denn beslooten, nah England to gahn un hett dat den ok in August 1883 makt. Een Maand bleev se dor, um London kennen to lern. Dor hett se ok den Spraakwetenschapler Max Müller ut Oxford drapen, de en engen Früend vun Klaus Groth weer. Nah dat England-Studium wull se wieder nah Holland, änner aber ehrn Plaan un gung denn nah Paris un vun dor nah de Swiez. In Genf hett se denn an de Universität franzöösch Literatur un Geschichte studeert.

Aber se wurr vun hör Verwandten weer torüchroopen, de sück all upreegt harr, dat se vun hör 20.00 Dusend Mark 2.000 ut Fenster smeeten harr. Wenn se wusst harr, dat de Inflatschoon nahderhenn hör Geld vernichten dee, weer se bestimmt noch nah Holland fohren. In de Swiez har se aber völ Bekanntschap slooten, as ok all vörher in Dresden.

Weer torüch to Huus, hett se weer bi hör olde Lehrerin, de vun Gebort Däänsch weer und ok sweedsch snacken kunn, Ünnerricht in disse bei Spraken nommen. Nahderhenn gung se nah Kopenhagen, Stockholm un Uppsala. In Genf harr se den Graf Reventlow kennen lehrt, de op ehr Infloot nehm, dat se sück mit Ahnenforschung befaaten much. Vun hüm kreeg se en grooten Updrag un hett sick mit ehr Energie in de Archive fastsett. Dor funn se een wied Feld vör. Man wurr upmarksom up de junge Fru, de en Welt erobern kunn, wo Fruns nix to söken harrn. Hör Lehr- un Wannerjohr‘n harr‘n länger düürt as bi anner Studenten. Se hett sück denn ok noch to en Hebamm utbillen laaten, wat ok nich begäng weer för hör. En Fru, de nich verheiraadt weer, drüff an un för sück ok kien Hebamm wurrn.

Helene Höhnk hett in‘t Archiv vun de Breitenborg bi Itzehoe arbeit un wull hör Doktorarbeid schrieven över de letzte Fehd in Dithmarschen, in Latiensch leeg se den Hergang vör. Aber denn drap hör en Slaganfall. Se verholl sück woll, muss aber af nu wat körter treden.

In Heid bleev se nu und hett de Dithmarscher Landeskunde mit in't Leven roopen un weer ok in den Vörstand dorvan. Se hett männig Familienchronik in de Reeg brocht. Se hett Sagen un Geschichten opschreven, um de sück sunst wull nie kümmert wurr‘n weer.

Se kreeg to hör 70. Gebortsdag as eerst Studentin in Düütschland vun de Universität in Jena en Reis nah Rom schunken.

Se hett bit 1944 in Marne wahnt, un keem in de letzt Weeken noch in en Heim in Büsen, wo se bit to hör Dood plegt wurr.