Heinz Puvogel
Heinz (Hinrich) Puvogel (* 17. April 1891 in Bassen; † 30. August 1980[1]) weer en düütschen Ünnernehmer.
Leven
[ännern | Bornkood ännern]Puvogel hett 1909 bi’n Hag-Kunzern anfungen un is 1912 Sekretär von Ludwig Roselius worrn. Na’n Eersten Weltkrieg is he in’n Vörstand von de Seehandel AG beropen worrn un hett as de „rechte Hand“ von Roselius gullen.[2] He is 1938 in’n Opsichtsraad von de Kaffee Hag AG beropen worrn un na Roselius sien Dood 1943 Vörsitter von’n Opsichtsraad worrn.[2] Dat is he bet in de Johren 1970 bleven.
An’t Enn von de Johren 1960 weer he ok Vörsitter von’n Opsichtsraad von de Focke-Wulf GmbH. Tosätzlich weer he Geschäftsföhrer von de Böttcherstrate GmbH un de Bremer Werkschau GmbH.
1919 hett he Herta Schröder (12. Mai 1898–22. Oktober 1964) freet. De beiden hebbt in Överneeland leevt un harrn den Söhn Edgar H. Puvogel (10. März 1920–3. Juni 2002), de later ok dat Leid över de Böttcherstrate övernahmen hett. Heinz Puvogel gell ok as Kunstleevhebber.[3] He is op’n Karkhoff in Bremen-Oosterholt begraven.[4]
Ehren
[ännern | Bornkood ännern]Footnoten
[ännern | Bornkood ännern]- ↑ Nicola Vetter: Ludwig Roselius: ein Pionier der deutschen Öffentlichkeitsarbeit, Hauschild, Bremen, 2002, Sied 157
- ↑ a b Ulrich Wittig: Mergers & acquisitions: Voraussetzungen, Ablauf und Folgen von Fusionen und Übernahmen bei Kraft Foods in Deutschland von 1978 bis 1998. LIT Verlag, Mönster 2008, Sied 76
- ↑ Walter Habel (Rutgever): Wer ist wer? Das deutsche who's who. XV. Ausgabe von Degeners wer ist's? Berlin 1967, Sied 1517
- ↑ Indrag to dat Graff bi genealogy.net