Heiko Engelkes

Heiko Engelkes (2007)

Heiko Engelkes (* 1. April 1933 in Nörden, Oostfreesland; † 7. November 2008 in Köln) weer en düütsch Journalist.

Nah dat Abitur, dat he 1952 in Nörden afleggt hett, studeer he tüschen 1952 und 1955 in Wilhelmshaben, Hamborg un Berlin Juristeree, politisch Wetenschapen un Journalismus. Dornah is he as Fulbright-Student an de William Allan White School of Journalism der Kansas University wesselt.

Sien journalistisch Loopbahn fung 1956 as free Mitarbeiter för dat Höörfunkprogramm vun de NDR un dat Düütsch Allgemeen Sünndagsblatt an. 1960 is he to’n Westddüütschen Rundfunk wesselt un wurr Mitarbeiter vun de WDR-Tagesschau. 1965 övernehm he de Leeden vun de Redaktschoon vun de Sendung.

As Korrespondent vun de ARD gung he 1974 nah Paris un leidt dor af 1978 dat Studio vun de Feernsehsender. Nah fiev Johr gung he 1983 weer nah Düütschland torüch un wurr tweet Chefredakteur vun ARD-aktuell, de zentraal Feernseh-Nahrichtenredaktschoon vun de ARD. 1991 övernehm he en tweet Mal de Leitung vun dat ARD-Studio Paris un bleev dor bit 1998, as he in Rente gung.

Engelkes is an’ 7. November 2008 an en Krebslieden storven.

Utteknungen

• 1987: Ridder vun de Ehrenlegion
• 1998: Adenauer-de Gaulle-Pries
• 2005: Bundsverdeenstkrüüz I. Klasse