Harry Bähre

Vun Wikipedia
Harry Bähre (2008)

Harry Bähre (* 22. Juli 1941) is en ehmalge düütsche Footballspeler.

As Speler vun de Hamborger SV hett he af 1963 in de domols nee grünnd Bundesliga speelt. De Vereen harr sien Ünnerlagen bannig froh bi de DFB afgeven, un wiels dat bi de Hamborgers kien Speler geev, de sien Naam mit A anfangen dee, kreeg Bähre de Spelerpass mit de Nr. 001.

Bähre hett denn bit 1967 för den HSV in de Bundsliga speelt un in 78 Bundsligaspelen 2 Doren schaaten. 1967 stunn he mit de HSV ok in’t Pokalendspeel. Nah sien aktiv Tiet bleev he bi sien Vereen un weer tietwies Lidmaat vun de Vörstand, Kassenwart un Leeder vun de Amateurmannschap. Hüdtodag is he Manager vun de HSV-Altliga un hett en eegen Lithografie-Druckeree.