Hans Gentzen
Hans August Carl Gentzen (* 1. Januar 1876 in Breslau; † 6. Januar 1957 in Hannover) weer en düütschen Jurist.
Gentzen is 1876 as Söhn von’n Koopmann Carl Friedrich Wilhelm Gentzen (6. Dezember 1845–15. Februar 1931) in Breslau boren.[1][2] He hett Juristeree studeert un sien Dr. jur. maakt. 1903 is he Gerichtsassesser worrn un 1907 Amtsgerichtsraad an dat Amtsgericht Bialla.[3] 1909 is he an dat Amtsgericht Bentschen wesselt un 1914 keem he as Amtsrichter an dat Amtsgericht Posen.[3] Von 1920 bet 1933 weer he Amtsgerichtsraad bi dat Amtsgericht Hannover.[1][3]
Gentzen weer bet 1923 Maat von de Düütsche Volkspartei.[1] An’n 1. Februar 1932 is he Liddmaat von de NSDAP worrn.[1] He weer ok Vörsitter von dat Gogericht Süüdhannover-Bruunswiek.[1]
He weer von’n 26. Oktober 1933 bet 1937 Präsident von dat Landgericht Veern.[1][3] In dat Johr is he vör de Tied in Rohstand gahn, üm denn bi dat Parteigericht von de NSDAP to arbeiden.[1]
Gentzen sien Söhn weer Hans Karl Gentzen (8. August 1903–18. Oktober 1988).[2]
Footnoten
[ännern | Bornkood ännern]- ↑ a b c d e f g http://www.landgericht-verden.niedersachsen.de/wir_ueber_uns/geschichte/praesidenten/58226.html
- ↑ a b Eckart Menzler-Trott: Gentzens Problem: Mathematische Logik im nationalsozialistischen Deutschland. Springer Basel AG, 2013, ISBN 978-3-0348-9517-0
- ↑ a b c d Acta Borussica, Band 12/II
