Hans Feindt

Hans Feindt (* 3. Oktober 1920 in Tocopilla, Chile; † 12. Juni 2012) weer en düütschen Politiker von de CDU.

Feindt is 1920 in Tocopilla boren un hett en Lehr as Goorner in’n Aavtbo maakt. Na de Lehr weer he an de Fachhoogschool. Von 1939 bet 1945 weer he in’n Tweten Weltkrieg Soldaat un later Reserveoffzeer. 1951 hett he sien Meester maakt un den Aavthoff von de Familie in Oosterjörk övernahmen.

Feindt hett 1963 tohoop mit Hinrich Schleßelmann un Heinrich Hauschildt den CDU-Oortsverband mit grünnt un weer de eerste Vörsitter. Bi de Landdagswahl 1963 weer he Kannedaat von de CDU för den Wahlkreis Buxthu/Oolland. He kunn sik aver nich gegen den Kannedaten von de SPD dörsetten. He weer denn aver in 6. bet 9. Wahlperiood von 1967 bet 1982 för den Wahlkreis Buxthu in’n Landdag. Von 1978 af an weer he Viez-Vörsitter von de CDU-Frakschoon. He weer ok Maat von’n NDR-Rundfunkraad.

1980 hett Feindt dat Grote Verdeenstkrüüz von’n Verdeenstorden von de Bundsrepublik Düüutschland kregen.

Hans Feindt weer verheiraadt un harr veer Döchter.

Literatur

• Barbara Simon: Abgeordnete in Niedersachsen 1946–1994: biographisches Handbuch, 1996, Sied 94