Good Boitschen
Dat Good Boitschen (hoochdüütsch Gut Bötersheim) is en Eddelgood in dat Dörp Boitschen in de Gemeen Kakenstörp (Samtgemeen Töst), Landkreis Horborg, Neddersassen.
Historie
[ännern | Bornkood ännern]De Watermöhl an de Eest in Boitschen keem 1386 toeerst in de Oorkunnen vör. To de Tied hett de Familie von Weersbe de Möhl an de Familie Schulte verköfft.[1]
Hermann Schulte hett 1455 dat Good mit de Watermöhl an Arp von Weyhe verköfft.
De ne’e Hoff is üm 1470 rüm anleggt worrn. Dat Gebüüd in swart-witt Fackwark, dat vondaag noch steiht, höört to dissen ne’en Hoff.[1]
Dat hüdige Goodshuus ut roden Backsteen is 1825/1826 boot worrn.[1] Dat ole Goodshuus is to de Tied afreten worrn.
To Anfang von dat 20. Johrhunnert weer dat Good 659 Hektar groot.[2] In de eerste Tied von dat 20. Johrhunnert hett denn de Familie von Rogister dat Good övernahmen.
Siet 2001 warrt elk Johr an dat drüdde Wekenenn in’n Juni dat Musikfest op Good Boitschen fiert.
Goodsherrn
[ännern | Bornkood ännern]- –1455: Hermann Schulte
- 1455–1472: Arp von Weyhe
- Arend von Weyhe (Söhn von Arp; hett dat Good deelt mit sien Broder Burchard von Weyhe, de aver ahn Kinner doodbleven is)
- Jobst von Weyhe (Söhn von Arend)
- –1627: Joachim von Weyhe (Söhn von Jobst)
- 1627–1658: Wilhelm Conrad von Weyhe (Söhn von Joachim)
- 1658–1692: Cord Arend Otto von Weyhe (Söhn von Wilhelm Conrad)
- ~1779: Friedrich Brand Matthias von Weyhe
- –1886: Wilhelm von Weyhe
- 1886–1917: Christian Ludwig Thilo von Weyhe (Söhn von Wilhelm)
- Carl Theodor von Rogister
- Dominik von Rogister (Söhn von Carl Theodor)
- opstunns: Thilo von Rogister
Verwaltungsgeschicht
[ännern | Bornkood ännern]Dat Good hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
Von dat 19. Johrhunnert af an hett dat Good un dat Dörp Boitschen en Goodsbezirk billt, de denn in dat 20. Johrhunnert in en Gemeen ümwannelt worrn is. Dat Good is as Deel von de Gemeen Boitschen an’n 1. Juli 1972 mit de Gemeenreform in Neddersassen an de Gemeen Kakenstörp kamen.
Inwahnertall
[ännern | Bornkood ännern]| Johr | Inwahners |
|---|---|
| 1848[3] | 38 Lüüd, 4 Hüüs |
Religion
[ännern | Bornkood ännern]Dat Good Boitschen is evangeelsch-luthersch präägt un höört vondaag to dat Kaspel von de Krüüzkark in Sprötz. Vör 1950 hett dat Good noch to dat Kaspel von de Johannes-de-Döper-Kark in Töst tohöört.
För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.
Literatur
[ännern | Bornkood ännern]- Wilhelm Marquardt: Chronik der Dörfer Bötersheim, Drestedt, Kakensdorf, Trelde. 1979
Footnoten
[ännern | Bornkood ännern]- ↑ a b c Lehen von Herzog Otto, Hamburger Abendblatt an’n 13. August 1999
- ↑ Gothaisches genealogisches Taschenbuch der adeligen Häuser. Justus Perthes, 1907, Sied 825
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
Koordinaten:53° 19′ N, 9° 45′ O