Gary Byrd and the GB Experience

Vun Wikipedia

Gary Byrd and the GB Experience is en US-amerikaansche Musikgrupp ween, de en Single mit den Titel "The Crown", in de UK Singles Chart harrt hett. Rutbrocht wurrn is dat bi dat Motown- Label un keem an’n 23. Juli 1983 in de Charts. Dor is dat denn upstegen bit up Platz 6, un is denn negen Weken in de Charts bleven. Vördem weer dat al in de USA up Stevie Wonder sien „Wondirection“-Label rutkamen. Man düt Label hett nich lang leevt, un en Hit is de Platen in Amerika ok nich wurrn. "The Crown" is blot up en 12-Inch-Platen rutkamen un hett mehr, as 10 Minuten duert. Dor is dat een vun de längsten Tracks mit ween, de dat in de Charts schafft hefft. Schreven wurrn is dat vun Gary Byrd un Stevie Wonder. Bi den Song geiht dat um en ganze lange Geschicht vun den Minschen sien Vörutgang vun de Olen Ägypters bit up den hüdigen Dag. Sunnerlich geiht dat dor um dat afrikaansche Arvdeel bi. Bi den Song sünd Verse, de Gary Byrd spraken/rapped hett, tohopenbrocht mit en Stroph, de vun Stevie Wonder un Crystal Blake sungen wurrn is.

Weblenken[ännern | Bornkood ännern]

Gary Byrd sien Hit up Youtube: [1]