Franziska Weber
Franziska Weber (* 24. Mai 1989 in Potsdam, DDR) is en düütsche Kanusportlersche. Se is Weltmeestersche und mehrfacke Europameestersche un hett ok al olympische Medaillen wunnen.
Loobahn[ännern | Bornkood ännern]
Weber maakt Kanurennsport bi’n KC Potsdam un is 2009 to’n eersten mol in de düütsche Natschonalmannschop vun’n Kanurennsport beropen worrn. Bi de Europameetserschoppen 2009 hett se in’n Eener-Kajak über 1000 m den tweeten Platz maakt achter de Ungaarsche Katalin Kovács. Butendem hett se över 500 m in’n Twee’er Kajak mit ehr Partnersche Fanny Fischer de Bronzemedaille haalt.
Vörher hett se al bi de Junioren-Weltmeesterschoppen 2005 tweemol den drüdden Platz maakt un 2007 tweemol den tweeten Platz.
Spood harr se ok bi de Olympschen Sommerspelen 2012 in London. Dor hett Weber tosamen mit Tina Dietze, Carolin Leonhardt un Katrin Wagner-Augustin över 500 m in’n Veerer-Kajak de Sülvermedaille haalt.[1]. Bito harr se mit Tina Dietze tosamen över 500 m in’n Twee’er-Kajak de Nees vörn hatt un de Goldmedaille na Huus bröcht.[2]
Weber leevt in Potsdam, woneem se an de Fackhoochschool Potsdam Boingenieurswesen studeert.
Borns[ännern | Bornkood ännern]
- ↑ Resultaten Olympia 2012 (engelsch), afropen an’n 8. August 2012
- ↑ Resultaten Olympia 2012 (engelsch), afropen an’n 9. August 2012