Francisco Goya

Vun Wikipedia
Disse Artikel is man blots en Stubben. Du kannst Wikipedia helpen un em verbetern.

Francisco José de Goya y Lucientes (* 30. März 1746 in Fuendetodos (Aragonien); † 16. April 1828 in Bordeaux) weer een vun de gröttsten spaanschen Kunstmalers.

Goya, Hoffdaam un Hampelmann

Na siene Lehr in Saragossa un Madrid gung he för dree Jahren na Rom un studeer dar de italiensche Maleree. Darna wurr he tämlich gau in Madrid beröhmt mit siene Vörlagen för Teppichbiller un siene Raderen „Caprichos“ (Infälle), „Desastres de la guerra“ (Unheel vun de Kriegen), „Tauromaquia“ (Bullkamp) un „Disparates“ (Afsünnerlichkeiten). Vele vun siene Biller wiest Noot, Elend, minschliche Egenaarten un Swackheiten up. 1798 wurr Goya Hoffmaler vun König Karl IV. un maal Biller vun de Königsfamilie, bi de he kienswegs versoch, dat Schöne ruttokehren un dat Asige to verbargen. Ut politische Grünnen muss Goya 1824 Spanien verlaten. He gung na Bordeaux un bleev dar 1828 doot. Vele vun siene Warken staht vandage in dat Prado-Museum in Madrid.

Weblenks[ännern | Bornkood ännern]

Francisco de Goya. Mehr Biller, Videos oder Audiodateien to’t Thema gifft dat bi Wikimedia Commons.