Flagg vun Delaware

Vun Wikipedia
Flagg vun Delaware

De Flagg vun Delaware besteiht ut en sandfarven Ruut up en hellblau Grundflach, worbi in de Midden vun de Raute dat Segel vun Delaware sitt. Ünnerhalv vun de Ruut befind sück in witt Schrift dat Datum 7. Dezember 1787, dat den Dag angifft, an de Delaware as eerst Staat de Verfaaten vun de USA ratifizeert hett. De Farven vun de Flagg reflekteeren de Farven vun de Uniform vun General George Washington.

Dat Segel in dat Zentrum vun de Flagg wurr an' 17. Januar 1777 annommen. Dat wiest en Schild mit horizontalen Striepen in Gröön, Blau un Witt. Up den Striepen sünd en Weetengarbe, en Maiskolben un en Oss dorstellt, Symbole för de Landwertschap in Delaware. Över dat Schild befind sück en Segelschipp. De Schild wurrd up de linker Siet vun en Buern un up de rechte Siet vun en Suldaten flankeert. Ünner de Schild steiht dat Motto vun den Staat, „Liberty and Independence“ (Freeheit un Unafhängigkeit). Disse Symbole befinnen sück ok up dat Segel vun Delaware.

De gegenwärtige Flagg wurr an' 24. Juli 1913 annommen. All wiels den Amerikaanschen Börgerkrieg harrn Truppen ut Delaware en ähnlich Flagg führt.

Weblenken[ännern | Bornkood ännern]