Eva Schlaugat

Vun Wikipedia

Eva Schlaugat (borene Folta; * 28. November 1943 in Hahnenklee-Bockswiese) is en düütsche Politikerin von de SPD.

Folta is 1943 in Hahnenklee-Bockswiese boren. Se is verheiraadt mit Udo Schlaugat un hett twee Kinner.

Mit 19 is Folta in de SPD rin. Se hett 1979 dat Froonhuus in Paane mit grünnt.[1]

1979 hett se den Kreisverband Paane von’n Paritätischen Wollfohrtsverband mit grünnt un weer von 2002 af an in’n Hauptberoop Geschäftsföhrerin von’n Verband in Paane.[1] Ok in’n Vörstand von’n Arbeider-Samariter-Bund in Paane is se aktiv.

Lange Johren weer se ok Vörsitterin von’n SPD-Ünnerbezirk Paane.

Von 1986 bet 31. Oktober 2016 weer se Afornte in’n Kreisdag von’n Landkreis Paane.[2] In’n Kreisdag is se 2006 Vörsitterin un Viez-Landraad worrn.[1]

Bi de Bundsdagswahl 1994 weer Folta Direktkannedaat för de SPD in’n Bundsdagswahlkreis Gifhoorn-Paane, kunn sik aver nich gegen Engelbert Nelle von de CDU dörsetten. Nadem de Afornte Arne Börnsen an’n 6. Januar 1998 ut’n Düütschen Bundsdag utscheden is, is Folta över de SPD-Landeslist Neddersassen an’n 9. Januar för em narückt. Bi de Bundsdagswahl 1998 is se aver nich wedder antreden un dorüm in’n Oktober 1998 ut’n Bundsdag utscheden.

An’n 20. Januar 2015 hett Schlaugat dat Verdeenstkrüüz an’t Band von de Bundsrepublik Düütschland kregen.[1]

Footnoten[ännern | Bornkood ännern]

  1. a b c d Eva Schlaugat erhält Bundesverdienstkreuz. Peiner Allgemeine an’n 19. Januar 2015
  2. Kreistag: Eva Schlaugat scheidet nach 30 Jahren aus. Peiner Allgemeine an’n 18. Oktober 2016