Ernst Voß

Vun Wikipedia

Dit Woort hett noch annere Bedüden: kiek dorför ünner Ernst Voß (Spoorkassendirekter).

Ernst Voß (* 23. Februar 1886 in Doberan; † 19. März 1936 in Rostock) is en düütschen evangeelschen Pastoor un plattdüütschen Oversetter vun dat Nee Testament ween.

Leven[ännern | Bornkood ännern]

Vun 1904 bit 1907 studeer Voß Theologie. Achterna is he 1910 Rekter vund e Stadtscholen in Rehna wurrn. An'n 12. April 1912 hett he Hildegard Bruns freet. Vun 1923 bit 1936 weer he Schriftbaas vun den Mekelnbörger Huuskalenner. In düsse Johren hett he ok vun 1925 bit 1929 an siene plattdüütsche Oversetten vun dat Nee Testament in Mekelnborger Platt seten. Rutkamen is dat 1929 unner den Titel Dat Ni Testament för plattdütsch Lüd in ehr Muddersprak äwerdragen.

An'n 2. Juli 1930 is he dör de Theoloogsche Fakultät vun de Universität Rostock ehrenwiese to'n Lizentiaten maakt wurrn. Vunwegen siene Verdeenste um de Plattdüütsche Spraken un de nedderdüütsche Volkskunn hett he an'n 1. Juli 1932 den John-Brinckmann-Pries kregen. 1933/34 weer he as Pastoor in Kirch Jesar bi Hagenow togange. Toeerst hett he sik en tiedlang to de Düütschen Christen holen. An'n 15. Juni 1934 is he denn as Landssupperndenten na Ludwigslust beropen wurrn. Man nadem de Karkenstriet losgahn weer, woll he na allerhand Theater 1935 vun de Düütschen Christen nix mehr weten. In dasülvige Johr is de tweete Uplage vun Dat Ni Testament rutkamen. In'n August 1935 is Paster Voß kran´k wurrn un denn an'n 19. März 1936 in Rostock sturven.

Literatur[ännern | Bornkood ännern]

  • Aktuelle Utgave vun Voß siene Oversetten: Dat Ni Testament för plattdütsch Lüd in ehr Muddersprak oewerdragen, Evangelische Haupt-Bibelgesllschaft zu Berlin und Altenburg; 1. Upl. 1986, ISBN 3-7461-0006-2

Weblenken[ännern | Bornkood ännern]