Erik Lesser

Vun Wikipedia
Erik Lesser (2018)

Erik Lesser (* 17. Mai 1988 in Suhl) is en ehmalger düütsch Biathlet. He is Biathlon-Weltmeester.

Karriere[ännern | Bornkood ännern]

Erik Lesser (Startnummer 1) bi den Start to dat Verfolgungsrennen in' IBU-Cup 2009 in Ridnaun, dat he ebenso as Eenzel un Sprint wunn

Erik Lesser, Enkel vun de Skilanglöper Axel Lesser, leevt in Zella-Mehlis un traineert överweegend in Oberhof. Sien Trainer is Mark Kirchner, tovör weer dat Peter Sendel. Lesser fung mit söss Johren mit den Skilangloop an un wessel 1999 mit elf Johren to'n Biathlon. De Afsolvent vun dat Sportgymnasium Oberhof löppt för den SV Eintracht Frankenhain. De Sportsuldat hett sien eerst internatschonalen Rennen 2006 in' Rahmen vun den Junioren-Europacups in Obertilliach bestreeden. In sien tweet Rennen keem he dorbi all gliks ünner de best Teihn. Bit 2008 reck he dree Podiumsplatzeeren, wunnen hett he aber kien Junioren-Europacup-Rennen.

2008 is he in Ruhpolding bi sien eerst Junioren-Weltmeesterschap antreeden un keem dor in' Eenzel up Rang 7, in' Sprint up Rang 16 un in de Verfolgung up Rang 8. Een Johr later wunn he in Canmore de Bronzemedaille in' Eenzelwettebewarf, keem in Sprint un Verfolgung jewiels up Platz 11 un wunn as Startlöper gemeensam mit Simon Schempp, Benedikt Doll un Florian Graf Staffelgold. Nah de WM keem Lesser eerstmals in' IBU-Cup 2008/2009 bi de Senioren to'n Insatz un wunn dor bi dat Saisonfinale glieks sien eerst dree Rennen in Ridnaun. In' Sömmer wunn he bi de Junioren-Sömmer-WM in Oberhof up Skirollern de Titel in' Sprint un in der Verfolgung. Bi de Biathlon-Europameesterschapen 2010 in Otepää wunn Lesser tosommen mit Simon Schempp, Daniel Böhm un Christoph Knie Gold in de Staffel un Sülver in de Verfolgung. Ok in' Sprint reck he mit Rang 6 un in' Eenzel mit Platz 4 good Ergevnisse.

Bi sien Weltcup-Premiere in Kontiolahti an' 12. März 2010 belegg Lesser in de düütsch Mixed-Staffel mit Kati Wilhelm, Magdalena Neuner un Simon Schempp den tweeten Platz. Sien Debüt in en Eenzelrennen hett he as 44. in' Sprint afslooten, womit he sück för de Verfolgung qualifizeert harr, de Lesser up den 51. Rang afsluuten dee. An' Holmenkollen in Oslo wunn he in de Saison 2010/11 as 40. sien eersten Weltcuppunkt un keem in de Verfolgung denn sogor up den 24. Platz. In' IBU-Cup wunn he in de Saison dree Rennen. Bi de Europameesterschapen 2012 in Osrblie wunn Lesser as Slusslöper mit Daniel Böhm, Matthias Bischl un Johannes Kühn weer den Titel in dat Staffelrennen as ok den Titel in' Eenzel un Bronze in dat Verfolgungsrennen. In' Sprint keem he up Platz 11. Wenig later keem he in Kontiolahti weer to Weltcupinsätzen un leep in' Sprint up Rang 23 un in dat Verfolgungsrennen up Platz 22. In den Gesamtweltcup belegg he an dat Enn' vun de Saison Platz 91.

In de Weltcup-Saison 2011/12 stunn he an't Enn up Platz 65, wobi sien best Ergevnis Platz 22 in en Rennen weer.

Bi dat eerst Rennen vun den Weltcup 2012/13 in Östersund stunn Lesser to'n eersten Mal up dat Weltcup-Siegerpodest. In' Eenzel belegg he in en Rennen ahn Scheetfehler den darten Platz. En darten Platz schaff he denn ok noch mal bi den Massenstart in Oslo, wat hüm an't Enn' in den Gesamtweltcup neben anner good Ergevnisse en deelten Platz 15 inbroch.

Bi de Olympisch Spelen 2014 in Sotschi wunn Erik Lesser Sülvermedaillen in' Eenzelwettbewarf (achter Martin Fourcade aber vör Jewgeni Garanitschew) un mit de düütsch Staffel. An' Slussdag kunn he an' 50-km-Langloop deelnehmen un belegg hier den 42. Platz ünner 64 Startern. De Biathlon-Saison 2013/14 hett he up Platz 28 afslooten, wobi he in de Saison eenmal en tweeten Platz recken dee.

Bi den Weltmeesterschapen 2015 keem Erik Lesser in dat Sprintrennen up Platz 5. In de ansluuten Verfolgung wunn he de Goldmedaille vör Anton Schipulin un Tarjei Bø. Dat weer to glieker Tiet ok sien eerst Weltcupsieg überhaupt. Mit den Staffelsieg bi de WM wurr Lesser Düppelweltmeester. An dat Enn vun de Saison leeg he in den Gesamtweltcup up Platz 10 un keem dorto in den Eenzelweltcup up Platz 7 un in den Verfolgungsweltcup up Platz 5.

In de Saison 2015/16 wunn Lesser in Ruhpolding dat Rennen in' Massenstart un fier sien tweeten Weltcupsieg.[1] In de Gesamtwertung belegg he an't Enn den 14. Platz. In den Verfolgungsweltcup leeg he up Platz 9.

Mit de Rennen an'n Holmenkollen hett Erik Lesser an'n 20. März 2022 sien aktiv Loopbahn afslooten.

Utteknungen[ännern | Bornkood ännern]

  • Sportler vun dat Johr 2015 in Döringen[2]

Weblenken[ännern | Bornkood ännern]

Erik Lesser. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. http://www.t-online.de/sport/wintersport/biathlon/id_76660260/biathlon-weltcup-erik-lesser-feiert-sensationssieg-in-ruhpolding.html
  2. Sportler des Jahres: Ball des Thüringer Sports vun ball-des-thueringer-sports.de, afropen an' 15. April 2016