Emilíana Torrini

Emiliana Torrini

Emilíana Torrini (* 16. Mai 1977; vullständig Naame Emilíana Torrini Davíðsdóttir) is en iesländsch Singerin, Komponistin un Musikproduzentin.

Leven

Emilíana Torrini wuss as Dochter vun en italieensch Wertsmann un en iesländsch Moder dicht bi Reykjavík up. Mit söben Johr sung se all in en Chor. Later henn hett se en Tiet lang in Mörfelden-Walldorf leevt, wo se Düütsch lehrt hett. De up hör Reisen wunnen Indrücke hett se in sülvst komponeert Leder verarbeidt. Af hör 15. Levensjohr hett se sück an en Opernschool utbilden laten. 1994 nehm se mit de Grupp Spoon dat glieknaamig Album up.

Torrini weer en Liddmaat vun de Band GusGus un bedeelig sück an de Gesangsdeel vun Polydistortion (1997). Dat Leed Why vun dit Album is noch up hör Konzerten to hörn.

Later henn truck Torrini nah Bath, wiel dat dor nich so „hektisch“ as in London is. Dor hett se denn dat Album Love in the Time of Science upnommen, mit de se weltwiet up sück upmarksom makt hett. Upgrund vun her Herkonft un de Klangfarv vun hör Stimm wurr se vun Kritikers faken mit Björk vergleken, hör Labelkollegin bi One Little Indian Records. Torrini hett sück aber vun Anfang an tegen dissen Vergliek wehrt..

2000 keem noch de CD Stuck Between Rock And A Hard Place rut. Dat weer vun en Projekt mit veer anner Lüüd ünner de Naam NUD. 2001 wurr hör Leed To be free för den Speelfilm Crazy/Beautiful (dt.: Verrückt/Schön) bruukt. 2002 hett se för den tweeten Deel vun de Lord of the Rings-Filmtrilogie, The Lord of the Rings: The Two Towers (dt.: Die zwei Türme) dat Leed Gollum’s Song sungen un weer Gastsingerin up dat Album The Richest Man in Babylon vun Thievery Corporation.

Im Dezember 2004 wurr se för de Kompositschoon un de Produktschoon vun Kylie Minogues Hit Slow för en Grammy nomineert. Enn’ Januar 2005 keem hör fievt Album Fisherman’s Woman rut, up de sück Emilíana Torrini vun en ganz anner musikaalsch Siet dorstellt. De Leeder wurrd gröttstendeels blots mit en akustisch Gitarr begleidt ahn elektronisch Hülp. In dat sülvige Johr weer Torrini Jury-Liddmaat vun de Filmfestspele vun Venedig.

Hör aktuell Album Me and Armini, wat sück in sien ehder Pop-orientierten Utrichtung vun de Vörgängerwarken ünnerscheeden deiht, keem an’ 5. September 2008 bi Rough Trade Records rut.

Ut disse Album stammt Torrinis in Düütschland bitlang spoodriekst Leed Jungle Drum, wat in’n März 2009 in Düütschland verapenlicht wurr. Nahdem de Titel in’ Mai 2009 in de Final-Folg vun de Feernsehsendung Germany’s Next Topmodel speelt wurr, keem de groote Dörbröök: Een Dag nah de Sendung keem de Song up Platz 1 vun de iTunes-Charts, lütt Sett later ok dör de Download-Verkoop up Platz 2 vun de düütsch Single-Charts, nahdem de CD rutkommen weer, sogor up Platz 1.

Diskografie

Alben

• 1994: Spoon
• 1995: Crouçie d’où là
• 1996: Merman
• 1999: Love in the Time of Science
• 2005: Fisherman’s Woman
• 2008: Me & Armini
• 2009: Rarities
• 2013: Tookah
• 2016: The Colorist & Emiliana Torrini
• 2017: Music to Draw To: Satellite

Singles

• 1999: Baby Blue
• 1999: Dead Things
• 1999: To Be Free
• 2000: Easy
• 2000: Unemployed in Summertime
• 2005: Sunnyroad
• 2005: Heartstopper
• 2009: Jungle Drum
• 2009: Me and Armini
• 2013: Speed of Dark

Weblenken

• Offiziell Websteed
• Gröttste düütsch Fan-Siet mit umfangriek Informatschonen
• Emilíana Torrini bi laut.de
• Stuttgarter Zeitung Upropen an 23.07.2009