Elis Wadstein
Nils Elis Wadstein (* 16. Juli 1861 in Torshälla; † 19. Juni 1942 in Stockholm) weer en sweedschen Spraakwetenschopper.
Wadstein is in Torshälla boren un güng in Eskilstuna un Stockholm na School. An de Universität Uppsala hett he denn Germanistik un Skandinavistik studeert. Mit en Stipendium von Jacob Jonas Björnstahl kunn he denn von 1883 bet 1884 ok noch in Leipzig un 1886 bet 1887 in Oslo sien Studium foortsetten. Na sien Afslussexamen 1888 weer he denn noch een Johr in Oslo un hett dor sien Dokterarbeid över dat ooldnoorsche Homilienbook schreven.
He weer denn Dozent un 1893 bet 1894 stellvertretend Perfesser för Skandinavistik in Göteborg. 1894 is he Perfesser för Sweedsch an de Universität Uppsala worrn, güng aver 1900 denn wedder as Perfesser för moderne europääsche Linguistik na Göteborg. Na sien Rohstand hett he in Uppsala leevt un de lesten fiev Johr in Stockholm.
As Spraakwetenschopper hett he sik vör allen ok mit dat Inwarken von de freesche un sassesche Spraak op de skandinaavschen Spraken utenannersett.
Warken
[ännern | Bornkood ännern]- Kleinere altsächsische Sprachdenkmäler. Soltau, Nörden 1899