Dragon Ball

Vun Wikipedia

Dragon Ball (jap. ドラゴンボール, Doragonbōru) is en japaanschen Fantasy-/Aventüür-Manga, to den dat ok en Anime-Reeg gifft. Sik utdacht hett dat Akira Toriyama. Een kann seggen, datt Dragon Ball en Twieg ut den Stamm vun den Roman De Reis na Westen to vun Wu Cheng’en is. Dragon Ball is toeerst rutkamen vun 1984 bit 1995 in dat Manga-Magazin Weekly Shōnen Jump. Later sünd dor 42 Bänne vun tohopenstellt wurrn mit alltohopen 519 Kapitels un mehr as 8.000 Sieten. Bovento sünd dor de Anime-Feernsehserien Dragon Ball un Dragon Ball Z vun dreiht wurrn. Vunwegen, datt dat so unbannig goot ankamen is, gifft dat midderwielen alltohopen veer Fernsehserien, 18 Kinofilme, dree Feernsehfilme, dree OVAs un en grote Tahl vun Videospeele. 1989 un 2008 sünd ok noch twee Realfilms vun den Manga afdreiht wurrn. Vun den Manga sülms sünd in Japan bi 156 Mio. Stück, un over de ganze Welt hen bi 230 Mio. Exemplare verkofft wurrn. Dor is he, na One Piece de Manga mit, de to all Tieden an'n tweetmeisten verkofft wurrn is.[1][2]

De Manga kann to dat Shōnen-Genre torekent weern un maakt hüdoiigendags noch Indruck up bekannte Teekners, as Eiichirō Oda, Tite Kubo, Masashi, Seishi Kishimoto un Hiro Mashima.

Literatur[ännern | Bornkood ännern]

  • Akira Toriyama: Dragon Ball Artbook. Carlsen Comics, Hamburg 1999, ISBN 3-551-73600-6.
  • Akira Toriyama: The World Special – Illustrationen. Carlsen Comics, Hamburg 2001, ISBN 3-551-74797-0.

Belege[ännern | Bornkood ännern]

  1. [1] Top 10 Shonen Jump Manga by All-Time Volume Sales, 2012-11-17
  2. [2] 2013's Dragon Ball Z: Battle of Gods Film Story Outlined, 2012-12-06

Weblenken[ännern | Bornkood ännern]