Distrikt Bremerleh

Vun Wikipedia

De Distrikt Bremerleh (oder Arrondissement Bremerleh) weer as Distrikt en Verwaltungsrebeed in de Franzosentied (1810-1813). De Seet weer Bremerleh. Ünnerpräfekt weer Otto von Gruben. 1813 hett de Maire Friedrich Theophil Dassel siene Opgaven övernahmen.

Historie[ännern | Bornkood ännern]

De gröttste Deel von dat Rebeed hett vörher to dat Hertogdom Bremen (Kurförstendom Hannover) höört. Lüttjere Delen hebbt to dat Hertogdom Ollnborg un to Bremen höört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen hett dat Rebeed von’n Distrikt Bremerleh to’n Distrikt Bremervöör in dat Departement von de Elv- un Wersermünn tohöört. To’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. Ok Bremen un dat Hertogdom Ollnborg sünd to disse Tied Deel von dat Kaiserriek worrn. De Distrikt Bremerleh weer nu een von de veer Distrikte, ut de dat Departement von de Wersermünnen tohoopsett weer.

1813/1814 sünd de Franzosen slahn un dat Rebeed befreet worrn. Dat Kurförstendom Hannover, Bremen un dat Hertogdom Ollnborg (as Groothertogdom Ollnborg) sünd denn wedder herstellt worrn un de ole Stand von vör 1810 weer wedder dor.

De Distrikt harr 82.634 Inwahners un weer indeelt in söss Kantons: