Dietrich Stobbe

Vun Wikipedia
Dietrich Stobbe, 1974

Dietrich Stobbe (* 25. März 1938 in Weepers, Ostpreußen; † 19. Februar 2011[1]) weer en düütsch Politiker (SPD). De Politikwetenschapler weer van 1977 bit 1981 Regeeren Börgermeester vun Berlin.

Utbillen un Berop[ännern | Bornkood ännern]

Nah dat Abitur 1958 aan dat Athenaeum in Stood hett Stobbe Politikwetenschap an de Düütsche Hoochschool för Politik un an de Free Universität Berlin studeert un dor denn 1962 as Diplom-Politoloog afslooten. Dornah weer he Verwaltensanstellter. Af 1991 weer he in leiten Funkschoon bi en Beraderünnernehmen.

Stobbe weer verheiraadt un harr twee Söhns ut en eerst Ehe.

Partei[ännern | Bornkood ännern]

Van 1960 bit to sien Dood weer Stobbe Liddmaat vun de SPD. Van 1979 bit 1981 weer he SPD Landsvörsitter in West-Berlin. Van 1977 bit 1982 hörr he den Bundsvörstand vun de SPD an.

Ämter un Mandaten[ännern | Bornkood ännern]

Van 1963 bts 1966 weer Stobbe Persöönlich Referent vun den Senator för Jöögd un Sport, Kurt Neubauer (SPD). 1967 wurr he Liddmaat vun dat Afordentenhuus vun Berlin. Dree Maand later weer Stobbe Parlamentarisch Geschäftsführer vun de SPD-Fraktschoon un af 1970 deren stellvertreden Vörsitter.

1973 wurr he in den Senat vun den Regeeren Börgermeester Klaus Schütz as Senator för Bundsangelegenheiten un Bevollmächtigter vun dat Land Berlin bi den Bund beropen. An’ 2. Mai 1977 wurr he denn Nahfolger vun Schütz as Regeeren Börgermeester. In disse Funkschoon weer he den ok van’ 1. November 1978 bit 31. Oktober 1979 Präsident vun den Bundsraat.

Ünner Stobbe wurr de vun Ernst Reuter begrünnt Berliner Höörfunkreeg Wo uns der Schuh drückt instellt.

Bi de Wahlen to dat Afordentenhuus 1979 kunn sück de sozialliberale Koalitschoon ünner Stobbes Führung tegenöver de CDU ünner Richard von Weizsäcker behaupten.

Wiel en Nahwahl vun Senatoren an de fehlen Slootenheit vun de Koalitschoon ut SPD un FDP in’ Januar 1981 in dat Afordentenhuus nich klappen dee, is Stobbe togunsten vun Bundsminister Hans-Jochen Vogel torüchtreden. Mit dat Enn’ vun de Legislaturperiood 1981 is he ok ut dat Afordentenhuus utscheeden.

1983 wurr he denn Berliner Bundsdagsafordenter bit 1990.

Weblenken[ännern | Bornkood ännern]

Dietrich Stobbe. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Berliner Morgenpost: Ehemaliger Regierender Bürgermeister Stobbe ist tot. Afroopen an’ 19. Februar 2011