Diego Ortiz
Diego Ortiz (* um 1510, annere seggt 1525 in Toledo; † um 1570 in Neapel) is en spaanschen Komponisten ween.
Vun 1553 af an hett he an den Hoff vun de Viezkönige vun Neapel in dat Königriek Neapel sien Arbeit maakt. Fernando Álvarez de Toledo, 3. Hartog vun Alba, hett em to sien Kapellmeester (Maestro de Capilla) beropen. Ok unner den sien Nafolger Pedro Afán de Ribera steiht he 1565 up düssen Posten.
He hett en Hümpel Karkenmusik rutgahn laten. Dat sünd de Musices liber primus (Venedig 1565) ween. Denn hett he sik noch in en Book utlaten över den besunnern Weert vun dat Spelen vun de Viola da Gamba: Tratado de Glosas sobre cláusulas y Otros Géneros de Puntos en La Música de Violones (Rom 1553). Düt Wark is en ganz afsunnerlichen Born för de Renaissancemusik, sunnerlich, wie dormols Ornamente anbröcht wurrn sünd. Ok över de Improvisatschoon in düsse Tied kann een dor veel ut lehren. Siene Technik hett to den engelschen divisions on a ground un to den Viola-bastarda- Stil föhrt, de ut de Improvisatschoon leven dö.
Warken
[ännern | Bornkood ännern]- Trattado de Glosas (Rom 1553). Rutg. vun Annette Otterstedt. Översett vun Hans Reiners. Bärenreiter, Kassel 2003, ISBN 3-7618-1594-8. (Hoochdüütsch)
