Daniel Charles Brandenstein
Daniel Charles Brandenstein (* 17. Januar 1943 in Watertown, Bundesstaat Wisconsin, USA) is en ehmalger US-amerikaansch Astronaut.
Brandenstein kreeg 1965 en Bachelor in Mathematik un Physik vun de University of Wisconsin.
In' September 1965 keem Brandenstein to de US-Navy un wurr dor to'n Marinefleger utbild. Tüschen 1968 un 1970 weer he up de Floogtüüchdräger USS Constellation un USS Ranger insett un hett 192 Kampinsätzen in' Vietnamkrieg flagen. Ansluutend hett he as Testpilot un Pilotenutbilder för de Navy arbeit.
Astronautentätigkeit
[ännern | Bornkood ännern]In' Januar 1978 wurr Brandenstein as Astronautenanwärter vun de NASA utwählt. He weer Verbinnenspreker (CAPCOM) un Liddmaat vun Ünnerstüttensmannschapen för de beid eerst Space-Shuttle-Flüge (STS-1 un STS-2). Nah sien tweet Ruumfloog in' Sömmer 1985 hett he as stellvertreden Direkter vun dat Flight Crew Operations Directorate arbeit, dat över de Mannschapstosommensetten vun Ruumflüüg entscheeden deiht. Van April 1987 bit September 1992 weer Brandenstein Leiter vun dat Astronautenbüro.
STS-8
[ännern | Bornkood ännern]An' 30. August 1983 is Brandenstein as Pilot vun de Ruumfähre Challenger to'n eersten Mal in't All flagen. Kommandant weer Richard Harrison Truly. Dorto keemen de Missionsspezialisten Dale Allan Gardner, Guion Stewart Bluford un William Edgar Thornton, de ok all ehrn eersten Floog maken deen. Disse Mission weer de eerste Floog vun en Space Shuttle, bi de sowohl Start as ok de Lannen nachts stattfunnen. De Fracht bestunn ut den indischen Mehrzwecksatelliten Insat 1-B.
STS-51-G
[ännern | Bornkood ännern]Brandenstein weer bi disse Mission, de an' 17. Juni 1985 starten dee, Kommandant vun de Ruumfähre Discovery. Sien Pilot weer John Oliver Creighton. Missionsspezialisten weern Shannon Lucid, John McCreary Fabian un Steven Ray Nagel. Bruuklastspezialisten bi disse Mission weern Patrick Baudry ut Frankriek un Sultan bin Salman bin Abdulaziz Al Saud ut Saudi-Arabien.
To de Upgaaven vun disse Crew hörr dat Utsetten vun de Kommunikatschonssatelliten för Mexiko (Morelos 1), de Araabsch Liga (Arabsat) un de USA (AT&T Telstar). Buterdem wurr ok de SPARTAN-Satellit utsett un nah 17 Stünnen mit den Roboterarm wedder infangen.
STS-32
[ännern | Bornkood ännern]Mit de Ruumfähre Columbia is Brandenstein as Kommandant an' 9. Januar 1990 de Mission STS-32 flagen. Sien Pilot weer ditmal James Donald Wetherbee. Dorto keemen de Missionsspezialisten Bonny Jeanne Dunbar, George David Low un Marsha Sue Ivins. To de Hööftupgaaven vun de Mannschap hörr dat spoodriek Utsetten vun den Nahrichtensatelliten Syncom IV-F5 un dat Bargen vun de Forschensplattform LDEF mit den Roboterarm.
STS-49
[ännern | Bornkood ännern]Van' 7. bit 16. Mai 1992 kommandeer Brandenstein den Jumfernfloog vun de Ruumfähre Endeavour. As Pilot weer Kevin Patrick Chilton insett. Dorto keemen de Missionsspezialisten Pierre Joseph Thuot, Kathryn Ryan Cordell Thornton, Richard James Hieb, Thomas Dale Akers und Bruce Edward Melnick. Teel vun disse Mission weer, den twee Johr tovör start Kommunikatschoonssatelliten Intelsat VI-F3 för en Reparatur to bargen. Eerst mit den darten Butenbordinsatz (EVA) kunn de Satellit toletzt vun Hand infangen wurrn. Dorto mussen to'n eersten un eenzig Mal in de amerikaansch Ruumfohrt, dree Astronauten to glieker Tiet utstiegen. Nah dat Infangen kreeg Intelsat en neen Apogäumsmotor, dormit he sien vörsehn geostatschonäre Umloopbahn recken kunn. Bi en wiedere EVA wurrn Strukturen un Warktüüch utprobeert.
All tosommen hett Brandenstein meest 33 Daag in' Weltruum tobrocht.
Nah de NASA
[ännern | Bornkood ännern]An' 1. Oktober 1992 is he ut de NASA un de Navy utscheeden.
- 1996 wurr he Viezpräsident bi de Kistler Aerospace Corporation in Seattle
- Siet August 1999 Viezpräsident bi Lockheed Martin Space Operations in Houston
- An' 28. September 2007 wurr he Nahfolger vun Richard Covey as stellvertreden Geschäftsführer un Baas vun den operativen Geschäftsberiek vun United Space Alliance (USA).
Privates
[ännern | Bornkood ännern]Daniel Brandenstein un sien Frau Jane hemm een Dochter.
Weblenken
[ännern | Bornkood ännern]
Daniel Brandenstein. Mehr Biller, Videos oder Audiodateien to’t Thema gifft dat bi Wikimedia Commons.
- NASA-Biographie (engelsch)
- Spacefacts-Biographie