Costa Calma

Vun Wikipedia
Wapen/Flagg Koort
Wapen unbekannt
Fehler
Basisdaten
Autonome Gemeenschop: Kanoren
Provinz: Las Palmas
Gemeen: Pájara
Inwahners: 5.531 (2011-00-002011)
Postleettall: E–35627
Geograafsche Laag:
Koordinaten:28° 10′ N, 14° 14′ W
28° 10′ N, 14° 14′ W

Karte

De Palmbusch
Dat Zuckerhuus
Blick op den Strand
En Hotelanlaag

Costa Calma is en Oort in de Gemeen Pájara op dat Kanoren-Eiland Fuerteventura, Spanien. Dat liggt an’n Anfang von de Halvinsel Jandía, de in de Süüdwest-Eck von Fuerteventura liggt. Costa Calma hett 5.531 Inwahner (2011).

Geografie[ännern | Bornkood ännern]

Bi Costa Calma liggt de Strand Playa de Sotavento, de na Noorden hen dör swarte Felsen afgrenzt is, sik aver na Süden över 30 Kilometer hentreckt, bet na de Spitz von de Halvinsel Jandía.

De Wind is dör de Laag an de Oostküst mehrstentieds aflannig un dat gifft kuum dulle Bülgen. Dor kummt ok de Naam Costa Calma von, wat rohige Küst bedüden deit. Liekers is dor önnig Wind un dat gifft dor an de Küst fakener Meesterschoppen in Windsurfen.

In Costa Calma gifft dat en Palmenbusch, de mit dat Afwater von de Hotels watert warrt. Dat is de gröttste Busch von ganz Fuerteventura. Ans gifft dat in de Ümgegend kuum veel Planten.

Historie[ännern | Bornkood ännern]

Costa Calma is in de Johren 1970 as Tourismus-Oort an’n gelen Sandstrand von Playa de Sotavento boot worrn. To de eersten Hotels kemen Restaurants un Ladens to un de Oort is bilütten wussen. In de Tied so üm 2003/2004 sünd denn aver en Reeg gröttere Hotels boot worrn.

In Costa Calma sünd vör allen düütsche Urlaubers ünnerwegens. So bi söven Kilometer weg, in La Lajita liggt de Oasis Park, in den dat en Barg Planten un Deerten ut de Tropen to bekieken gifft.

Bi Costa Calma liggt ok en Windpark mit 50 Windrääd.

Weblenken[ännern | Bornkood ännern]

Costa Calma. Mehr Biller, Videos oder Audiodateien to’t Thema gifft dat bi Wikimedia Commons.

Footnoten[ännern | Bornkood ännern]