Baruch Samuel Blumberg

Vun Wikipedia
Baruch Samuel Blumberg

Baruch Samuel Blumberg (* 28. Juli 1925 in New York City; † 5. April 2011 in Santa Clara County, Kalifornien[1][2]) weer en US-amerikaansch Mediziner. 1976 kreeg he den Nobelpries för Physiologie oder Medizin.

Blumberg hett 1965 tofällig en Protein vun den Erreger vun Hepatitis B opdeckt, as he as Anthropoloog bi de Söök nah Polymorphismen in‘ Bloot vun verscheeden ethnisch Völker up en sünner Protein bi austraalsch Oorinwahner stööten dee. He nömm dat Protein Australia-Antigen un hett dat ingahnd middels Immundiffusionstests up Krüüzreaktschonen ünnersöcht. As Negativkontroll hett sien technisch Assistentin Barbara Werner hör eegen Bloot bruukt. Nah eenig Tiet wurr disse Negativkontroll positiv, de Assistentin harr Australia-Antigen in’T Blood un entwickel to glieker Tiet en akute Hepatitis B. Dormit weer en Tosommenhang mit de Infektschoon herstellt.

Blumberg hett en eersten Test entwickelt, um Spenderbloot up Hepatitis B to ünnersöken.

1976 kreeg he tosommen mit Daniel Carleton Gajdusek den Nobelpries för Physiologie oder Medizin „für ihre Entdeckungen von neuen Mechanismen bei der Entstehung und Verbreitung von Infektionskrankheiten“.

Literatur[ännern | Bornkood ännern]

  • Baruch S. Blumberg: Hepatitis B. The hunt for a killer virus. Princeton University Press, Princeton NJ 2002, ISBN 0-691-00692-X.

Enkeld Nahwiesen[ännern | Bornkood ännern]

  1. http://www.telegraph.co.uk/news/obituaries/medicine-obituaries/8433131/Professor-Baruch-Blumberg.html
  2. http://www.astrobiology.com/news/viewpr.html?pid=33194

Weblenken[ännern | Bornkood ännern]