August Wilhelm Carl Joachim Otto Wyneken

Vun Wikipedia

August Wilhelm Carl Joachim Otto Wyneken (* 20. August 1778 in Rüst; † 29. September 1834 in Horborg) weer en hannöverschen Verwaltungsbeamten.

Wyneken is 1778 as Söhn von Amalie Charlotte, borene Heise (15. Juli 1754-24. April 1807), un den Offzeer Hinrich Christoph Karl Wyneken (1752-10. Oktober 1793) in Rüst boren.[1] Wilhelm Wyneken weer sien Broder. He hett sik an’n 19. Oktober 1795 an de Universität Göttingen inschreven un Juristeree studeert.[1] Na dat Studium is he in’n hannöverschen Verwaltungsdeenst gahn. He is 1800 Amtsschriever supernumerär bi dat Amt Neehuus worrn un 1804 in dat Amt Wischhoben wesselt.[1] 1818 is he Amtsassesser bi dat Amt Willemsborg worrn.[1] He weer dor denn von 1819 bet 1831 Amtmann.[1] In dat Johr is he as Amtmann in dat Amt Horborg wesselt.[1] Dat is he bet to sien Dood 1834 bleven.

He hett an’n 19. September 1803 in de Wilhadi-Kark in Stood Sophie Elisabeth von Bedenbostel (13. August 1782-21. März 1808) freet.[2] De beiden harrn de Kinner Amalie Dorothea Caroline Sophie Louise (9. Juli 1804-23. März 1843), Friedrich Otto Ludwig (16. Juni 1805-17. Mai 1887), Caroline Marie Sophie (11. Februar 1807-10. Dezember 1900) un Sophie Elisabeth (27. Februar 1808-10. Februar 1880).[2] Nadem siene eerste Fro doodbleven is, hett he in twete Eh Henriette Eleonore von Plessen freet.[2] De beiden harrn de Kinner 19. August 1811 Carl August* Wilhelm Bernhard (19. August 1811-24. April 1893), Christel (28. Dezember 1814-18. November 1903), Hermann Christian Wulf (30. März 1816-24. April 1894), Carl Gustav Adolph (14. Dezember 1817-9. Mai 1836), Georg Wilhelm Arthur (14. Dezember 1818-24. September 1912), Franz (5. April 1821-22. November 1844), Amalie (9. Juni 1825-2. Dezember 1889) un Anna (4. November 1827-23. Mai 1900).[2]

Footnoten[ännern | Bornkood ännern]

  1. a b c d e f Hans-Joachim Heerde: Das Publikum der Physik: Lichtenbergs Hörer. Wallstein-Verlag, 2006, Sied 686
  2. a b c d http://gedbas.genealogy.net/person/show/2194187